ပိုင်နက်ပင်လယ်၏ ဥပဒေသဘောတရား

by | Apr 25, 2015 | General, Lawpost | 0 comments

ရေမိုင်တစ်ဆယ့်နှစ်မိုင်ဆိုသော ပိုင်နက်ပင်လယ်ပြင်ပေါ်ရှိ လေထုနှင့်တကွ ရေအောက်ကြမ်းပြင်နှင့် ရေအောက်ကြမ်းပြင်အောက်ရှိ မြေထုလွှာအတွင်းသို့ပါ ပိုင်ဆိုင်ခွင့်ရှိပြီး ရေထု၊ မြေထုနှင့် လေထုတွင်ပါ အဆိုပါ ကမ်းရိုးတန်းနိုင်ငံ၏ အချုပ်အခြာအာဏာ သက်ရောက်ပါသည်။

ပိုင်နက်ပင်လယ်ပြင်အတွင်း အပြစ်ကင်းစွာ ဖြတ်သန်းသွားလာခြင်း

ကုလသမဂ္ဂပင်လယ်ပြင်ဆိုင်ရာ ဥပဒေ Article (17) အရ ကုန်တွင်းပိတ်နိုင်ငံ တစ်နိုင်ငံမှဖြစ်စေ၊ ကမ်းရိုးတန်းရှိ နိုင်င်္ငတစ်နိုင်ငံမှဖြစ်စေ ပိုင်ဆိုင်သော သဘောၤများသည်  အခြားကမ်းရိုးတန်း နိုင်ငံများ၏ ပိုင်နက်ပင်လယ်များအပေါ်မှ အပြစ်ကင်းမဲ့စွာ ဖြတ်သန်းသွားလာ ခုတ်မောင်းခွင့်ရှိကြပါသည်။

ဖြတ်သန်သွားလာခွင့်ဆိုရာတွင် –
(က)     ထိုအခြားနိုင်ငံ၏ ပြည်တွင်းရေကြောင်းများနှင့် သဘောၤကုန်တင် ကုန်ချပြုလုပ်သည့့် နေရာများ၊  ပြည်တွင်းရေကြောင်းလမ်းများ၏ အပြင်ရှိ ဆိပ်ကမ်းများတွင် ဝင်ရောက် ရပ်နားခြင်း မရှိစေရပါ။
(ခ)      အခြားနိုငံ၏ ပိုင်နက်ပင်လယ်ပြင်ကို ဖြတ်သန်းရာတွင် ဆက်တိုင်နှင့်  ဆောလျင်စွာ
ဖြတ်သန်းရမည်ဖြစ်ပါသည်။

သို့ရာတွင် ဘေးဒုက္ခဆိုက်ရောက်နေသော လူ ၊ သဘောၤနှင့် လေယာဉ်ပျံများကို ကယ်ဆယ်ရန်အတွက် ခေတ္တခဏရပ်နားခြင်း၊ ကျောက်ချခြင်းများကိုမူ ယာယီပြုလုပ်ခွင့်ရှိပါသည်။ ထို့ပြင်ပင်လယ်ပြင်တွင် ကြုံတွေ့ရသော မလွှဲမရှောင်သာသည့် ဘေးအန္တရာယ်ကို ရှောင်လွှဲရန် အခြားနိုင်ငံများ၏ သဘောၤ

ဆိပ်များတွင် ခေတ္တခဏ ခွင့်ပြုချက်ရယူ၍ အန္တရာယ်မှ ခိုလှုံရပ်နားခွင့်ရှိပါသည်။

 

အပြစ်ကင်းစင်သော ဖြတ်သန်းသွားလာခြင်း၏ အဓိပ္ပာယ် ဖွင့်ဆိုချက်

 

အောက်ပါအပြုအမူများကို ကျူးလွန်ပါက  နိုင်ငံခြားသဘောၤတစ်စင်းက  မိမိ၏  ပိုင်နက်ပင်လယ် အတွင်းရှိ ဖြတ်သန်းခုတ်မောင်းသွားခြင်းကို အပြစ်ကင်းမဲံ့သော ဖြတ်သန်းသွားလာခြင်းဟု မမှတ်ယူနိုင်

တော့ပါ။
(က)     ကမ်းရိုးတန်းနိုင်ငံတစ်နိုင်ငံ၏ အချုပ်အခြာအာဏာနှင့်    ပိုင်နက်စိုးမိုးမှုကို လည်းကောင်း၊

 နိုင်ငံရေးလွတ်လပ်ခွင့်ကိုလည်းကောင်း ဆန့်ကျင်၍ အင်အားသုံးခြင်း၊ အင်အားသုံးမည်ဟု    ခြိမ်းခြောက်ခြင်းနှင့် ကုလသမဂ္ဂပဋိညာဉ်စာတမ်းပါ  ငြိမ်းချမ်းရေးအတွက် သတ်မှတ်ထားသော အချက်  အလက်တစ်ခုခုကို ဆန့်ကျင်ချိုးဖောက်ခြင်း။

(ခ)      မည်သည့်လက်နက် အမျိုးအစားတစ်ခုခုကိုမဆို ပစ်ခတ်ခြင်း၊ စမ်းသပ်ခြင်း။

(ဂ)      ကမ်းရိုးတန်းနိုင်ငံ၏ နယ်မြေလုံခြုံရေးနှင့် ပတ်သက်သော လုပ်ဆောင်ချက်များနှင့် ပတ်သက်၍ သတင်းအချက် အလက်များကို စုဆောင်းသည့် လုပ်ရပ်တစ်ခုခုကို လုပ်ဆေင်ခြင်း။

(ဃ)     ကမ်းရိုးတန်းနိုင်ငံ၏ လုံခြုံရေးကို ထိပါးစေသော ဝါဒဖြန့်ချိရေး လုပ်ငန်းတစ်ခုခုကို လုပ်ဆောင်ခြင်း။

(င)       မိမိ၏ သဘောၤကုန်းပတ်ပေါ်မှ လေယာဉ်အဆင်းအတက်ပြုလုပ်ခြင်း။

(စ)       မိမိသဘောၤပေါ်မှ စစ်နှင့်ပတ်သက်သော ကိရိယာတန်ဆာပလာတစ်ခုခုကို အတင်အချ ပြုလုပ်ခြင်း။

(ဆ)     ကမ်းရိုးတန်းနိုင်ငံတစ်နိုင်ငံ၏ အကောက်ခွန်၊ လူဝင်မှုကြီးကြပ်ရေးနှင့် မိလ္လာစည်းကမ်းများကို ချိုးဖောက်ပြီး သဘောၤပေါ်သို့ ကုန်ပစ္စည်းများ၊ ငွေသားများ၊ ငွေစက္ကူများနှင့် လူများကို                  အတင်အချပြုလုပ်ခြင်း။
(ဇ)       ကမ်းရိုးတန်းနိုင်ငံ၏ ပိုင်နက်ပင်လယ်ပြင်ကို ညစ်ညမ်းအောင်ပြုလုပ်ခြင်း။

(ဈ)       ငါးဖမ်းခြင်း။

(ည)      ပိုင်နက်ပင်လယ်အတွင်း သုတေသနလုပ်ငန်းနှင့် စူးစမ်းတိုင်းထွာရေးလုပ်ငန်းများကို ခွင့်ပြုချက် မရရှိဘဲ လုပ်ဆောင်ခြင်း။

(ဋ)       ကမ်းရိုးတန်းးနိုင်ငံ၏ ကြိုးမဲ့ကြေးနန်းနှင့် ရေဒီယိုဆက်သွယ်ရေးနှင့် အသံလွှင့်ခြင်းလုပ်ငန်း        များကို နှောင့်ယှက်ဖျက်ဆီးခြင်း။
(ဌ)       ရိုးရိုးသားသား ဖြတ်သန်းခုတ်မောင်းခြင်းနှင့် လုံးဝစပ်ဆိုင်မှုမရှိသော လုပ်ဆောင်ချက်တစ် ခုခုကို ပြုလုပ်ခြင်း။

 

ရေငုပ်သဘောၤများနှင့် အခြားရေအောက်သွားရေယာဉ်များ လိုက်နာရန်စည်းကမ်း

 

 နိုင်ငံခြားရေငုပ်သဘောၤတစ်စင်း သို့မဟုတ် ရေအောက်တွင် လှုပ်ရှားသွားလာနိုင်သော ရေယာဉ်များသည် အခြားနိုင်ငံ၏ ပိုင်နက်ပင်လယ်ပြင်ကို အပြစ်ကင်းမဲ့စွာ ဖြတ်သန်းသွားလာမည်ဆိုလျှင် ရေပြင်ပေါ်မှသာ ခုတ်မောင်းသွားလာပိုင်ခွင့်ရှိပြီး မိမိနိုငံ၏အလံတော်ကို လွှင့်ထူပြသထားရမည်ဖြစ်ပါသည်။ (Article 20)

ဦးကျော်ညွန့်
အငြိမ်းစား အပြည်ပြည်ဆိုင်ရာ ရေကြောင်းဥပဒေ ပါမောက္ခ ဒါလီယံရေကြောင်းတက္ကသိုယ် တရုတ်ပြည်သူ့သမ္မတနိုင်ငံ
ပင်လယ်ရေကြောင်း ဥပဒေများလက်စွဲ စာအုပ် စာ ၁၀၆ မှ
ကောက်နုတ်ဖော်ပြထားပါသည်။