ရပ်ကွက်သို့မဟုတ် ကျေးရွာအုပ်စုအုပ်ချုပ်ရေးဥပဒေအရ ရပ်ကွက်သို့မဟုတ်ကျေးရွာအုပ်စု အုပ်ချုပ်ရေးမှူးများနှင့် နေထိုင်သူများ၏ တာဝန်များနှင့် အခွင့်အရေးများ

ရပ်ကွက်သို့မဟုတ် ကျေးရွာအုပ်စုအုပ်ချုပ်ရေးဥပဒေအရ ရပ်ကွက်သို့မဟုတ်ကျေးရွာအုပ်စု အုပ်ချုပ်ရေးမှူးများနှင့် နေထိုင်သူများ၏ တာဝန်များနှင့် အခွင့်အရေးများ

ရပ်ကွက်သို့မဟုတ် ကျေးရွာအုပ်စုအတွင်းနေထိုင်သူများသည် မိမိတို့ရပ်ကွက်အတွင်းရှိ အုပ်ချုပ်ရေးမှူးများ၏ ကျင့်ဝတ်များ၊ လုပ်ငန်းအခြေခံမူများ၊ တာဝန်များနှင့် ရပ်ကွက်အတွင်းနေထိုင်သူများ၏ တာဝန်ဝတ္တရားများ၊ အခွင့်အရေးများကို  သိရှိနိုင်စေရန်အတွက် ရပ်ကွက်သို့မဟုတ် ကျေးရွာအုပ်စုအုပ်ချုပ်ရေးဥပဒေပါ ပြဌာန်းချက်အချို့ကို ကောက်နုတ်ဖော်ပြထားခြင်း ဖြစ်ပါသည်။

ရပ်ကွက်သို့မဟုတ် ကျေးရွာအုပ်စုအုပ်ချုပ်ရေးဥပဒေကို (၂၄.၂.၂၀၁၂) ရက်နေ့တွင် အခန်း (၁၅) ခန်း၊ ပုဒ်မ ၃၇ ခု ဖြင့်ပြဌာန်းခဲ့ပြီး (၂၈.၃.၂၀၁၂) ရက်နေ့၊ (၂၀.၁.၂၀၁၆) ရက်နေ့နှင့် (၂.၁၂.၂၀၁၆) ရက်နေ့တို့တွင် ရပ်ကွက်သို့မဟုတ် ကျေးရွာအုပ်စုအုပ်ချုပ်ရေးဥပဒေကို ပြင်ဆင်သည့်ဥပဒေများကို ပြဌာန်းခဲ့သည်ကို တွေ့ရပါသည်။

 

ရပ်ကွက်သို့မဟုတ်ကျေးရွာအုပ်စုအုပ်ချုပ်ရေးဥပဒေပုဒ်မ ၁၁ တွင် ရပ်ကွက် သို့မဟုတ် ကျေးရွာအုပ်စု အုပ်ချုပ်ရေးမှူးသည် လုပ်ငန်းတာဝန်များကို ဆောင်ရွက်ရာတွင် လိုက်နာစောင့်ထိန်းရမည့်ကျင့်ဝတ်များကို ပြဌာန်းထားပါသည်။

ရပ်ကွက် သို့မဟုတ် ကျေးရွာအုပ်စု အုပ်ချုပ်ရေးမှူးသည် လုပ်ငန်းတာဝန်များကို ဆောင်ရွက်ရာတွင် အောက်ပါကျင့်ဝတ်များနှင့်အညီ ကျင့်သုံးဆောင်ရွက်ရမည် –

(က) လုပ်ငန်းတာဝန်များကို ဥပဒေ နည်းဥပဒေများ၊ စည်းမျဉ်း၊ စည်းကမ်း၊ လုပ်ထုံးလုပ်နည်း၊ အမိန့် ညွှန်ကြားချက်များနှင့်အညီ ဆောင်ရွက်ခြင်း၊

(ခ) လုပ်ပိုင်ခွင့်ကို အလွဲသုံးစားပြုခြင်း၊ အရှိန်အဝါကို အသုံးပြုခြင်း၊ မသမာမှုပြုခြင်းနှင့် မလျော်ဩဇာသုံးခြင်းတို့မှ ရှောင်ကြဉ်ခြင်း၊

(ဂ) ဥပဒေနှင့်အညီ ပေးအပ်သည့်လုပ်ငန်းတာဝန်များကို ကျေပွန်စွာထမ်းဆောင်ခြင်း။

 

ရပ်ကွက်သို့မဟုတ်ကျေးရွာအုပ်စုအုပ်ချုပ်ရေးဥပဒေပုဒ်မ ၁၂ တွင် လုပ်ငန်းအခြေခံမူများကို ပြဌာန်းထားပါသည်။

ရပ်ကွက် သို့မဟုတ် ကျေးရွာအုပ်စုအုပ်ချုပ်ရေးမှူးသည် လုပ်ငန်းတာဝန်များဆောင်ရွက်ရာတွင် အောက်ပါအခြေခံမူများနှင့်အညီ ဆောင်ရွက်ရမည် –

(က) ပြည်ထောင်စုမပြိုကွဲရေး၊ တိုင်းရင်းသားစည်းလုံးညီညွတ်မှု မပြိုကွဲရေးနှင့် အချုပ်အခြာအာဏာ တည်တံ့ခိုင်မြဲရေးတို့ကို လိုက်နာစောင့်ထိန်းခြင်း၊

(ခ) ပြည်ထောင်စုသမ္မတမြန်မာနိုင်ငံတော် ဖွဲ့စည်းပုံအခြေခံဥပဒေပါ နိုင်ငံသားများ၏ မူလအခွင့်အရေးများကို ကာကွယ်စောင့်ရှောက်ခြင်း၊

(ဂ) ရပ်ကွက် သို့မဟုတ် ကျေးရွာအုပ်စုနေ ပြည်သူများအေးချမ်းတည်ငြိမ်စွာ လုပ်ကိုင်နေထိုင်နိုင်စေခြင်း၊

(ဃ) ရပ်ရွာဒေသ ဓလေ့ထုံးတမ်းစဉ်လာနှင့် လူမျိုးနွယ်စုများ၏ ဓလေ့ထုံးတမ်းများကို အလေးထားခြင်း၊

(င) အများပြည်သူအကျိုးနှင့် ဒေသခံပြည်သူများ၏ အကျိုးကိုလတ်တလော ထိခိုက်စေသည့် ဘေးအန္တရာယ်များကျရောက်သဖြင့် အရေးပေါ်အခြေအနေပေါ်ပေါက်သည့်အခါ ဒေသခံပြည်သူများနှင့် ပူးပေါင်းဆောင်ရွက်သည့် လုပ်ငန်းတိုင်းသည် ယင်းတို့အတွက် အရေးကြီးပြီးတိုက်ရိုက်အကျိုးပြုသည့် လုပ်ငန်းဖြစ်စေရမည့်အပြင် ဒေသခံပြည်သူများအပေါ် ကြီးလေးသော ဝန်ထုပ်ဝန်ပိုးမဖြစ်စေရန် အလေး ထားဆောင်ရွက်ခြင်း၊

(စ) မိမိ၏ လုပ်ငန်းဆောင်ရွက်ချက်များနှင့် စပ်လျဉ်း၍ တာဝန်ယူမှုနှင့်တာဝန်ခံမှုရှိခြင်း၊

(ဆ) ဤဥပဒေပါ လုပ်ငန်းတာဝန်များနှင့်စပ်လျဉ်း၍ သက်ဆိုင်ရာဌာန၊ အဖွဲ့အစည်းများနှင့် သက်ဆိုင်ရာမဲဆန္ဒနယ်မှ လွှတ်တော်ကိုယ်စားလှယ်များ၏ အကြံဉာဏ်ရယူခြင်းနှင့် ပူးပေါင်းဆောင်ရွက်ခြင်း။

 

ရပ်ကွက်သို့မဟုတ်ကျေးရွာအုပ်စုအုပ်ချုပ်ရေးဥပဒေပုဒ်မ ၁၃ တွင် ရပ်ကွက် သို့မဟုတ် ကျေးရွာအုပ်စု အုပ်ချုပ်ရေးမှူးသည် အောက်ပါလုပ်ငန်းတာဝန်များကို ဥပဒေ၊ လုပ်ထုံးလုပ်နည်းများနှင့်အညီ ဆောင်ရွက်ရမည်-

(က) လုံခြုံရေး၊ တရားဥပဒေစိုးမိုးရေး၊ ရပ်ရွာအေးချမ်းသာယာရေးနှင့် ပြည်သူ့အကျိုးပြုဆောင်ရွက်ရေး၊

(ခ) ရပ်ကွက် သို့မဟုတ် ကျေးရွာအုပ်စုအတွင်း နေထိုင်သူများ၏ စည်းကမ်းထိန်းသိမ်းရေးဆိုင်ရာ လုပ်ငန်းတာဝန်များဆောင်ရွက်ခြင်း၊

(ဂ) ရပ်ကွက် သို့မဟုတ် ကျေးရွာအုပ်စုအတွင်း နေထိုင်သူများ၏ အခွင့်အရေးကို ကာကွယ်စောင့်ရှောက်ခြင်း၊

(ဃ) ကျေးလက်ဒေသဖွံ့ဖြိုးရေးနှင့် ဆင်းရဲနွမ်းပါးမှုလျှော့ချရေးဆိုင်ရာ လုပ်ငန်းများကို အကောင်အ ထည်ဖော်ဆောင်ရွက်ရာတွင် ပံ့ပိုးကူညီခြင်း၊

(င) မှုခင်းများနှင့်ဒုစရိုက်မှုများ ဖော်ထုတ်ခြင်း၊ သတင်းပေးတိုင်ကြားခြင်း၊ ဖမ်းဆီးအရေးယူခြင်းများနှင့် စပ်လျဉ်း၍ သက်ဆိုင်ရာအစိုးရဌာန အဖွဲ့အစည်းများအား သတင်းပို့ခြင်းနှင့်ကူညီခြင်း၊

(စ) ပြည်ထောင်စုအစိုးရ၊ သက်ဆိုင်ရာတိုင်းဒေသကြီး သို့မဟုတ် ပြည်နယ်အစိုးရ၊ နေပြည်တော်ကောင်စီနှင့် ကိုယ်ပိုင်အုပ်ချုပ်ခွင့်ရတိုင်း သို့မဟုတ် ကိုယ်ပိုင်အုပ်ချုပ်ခွင့်ရဒေသဦးစီးအဖွဲ့တို့ကဖြစ်စေ၊ ယင်းတို့၏တာဝန်ပေးချက်အရ အစိုးရဌာန၊ အဖွဲ့အစည်းကဖြစ်စေ ဦးစီးကျင်းပသည့် အခမ်းအနားများနှင့် ပွဲများမှအပ အခြားအခမ်းအနားများ၊ အများပြည်သူသို့ ဖျော်ဖြေသည့် ပွဲများ၊ ပြပွဲများ၊ ပြိုင်ပွဲများ၊ ရိုးရာဓလေ့အရပွဲများ ကျင်းပခြင်းနှင့် စပ်လျဉ်း၍ သက်ဆိုင်ရာ မြို့နယ်အုပ်ချုပ်ရေးမှူးထံ အသိပေးတင်ပြပြီး တာဝန်ယူ၊ တာဝန်ခံ ကျင်းပစေခြင်း၊

(ဆ) ၂၀၁၆ ခုနှစ်၊ ပြည်ထောင်စုလွှတ်တော်ဥပဒေအမှတ် ၄၁ ဖြင့် ပယ်ဖျက်ထားပါသည်။

(ဇ) ရပ်ကွက် သို့မဟုတ် ကျေးရွာအတွင်း နေထိုင်သူ မဟုတ်သော မသင်္ကာဖွယ်သူစိမ်းတွေ့ရှိပါက သက် ဆိုင်ရာသို့ သတင်းပို့ခြင်းနှင့်ထူးခြားဖြစ်စဉ်များကို အချိန်နှင့်တစ်ပြေးညီ အစီရင်ခံခြင်း၊

(ဈ) အသံချဲ့စက် ဖွင့်ခွင့်တောင်းခံခြင်းကို စည်းကမ်းချက်သတ်မှတ်၍ ခွင့်ပြုခြင်း၊ ခွင့်ပြုချက်မရှိဘဲ အသံချဲ့ စက်ဖွင့်သူ သို့မဟုတ် စည်းကမ်းဖောက်ဖျက်သူအား အရေးယူခြင်း၊ အရေးယူရန် အကြောင်းကြားခြင်း၊

(ည) အများပြည်သူနှင့် သက်ဆိုင်သည့် ဖျော်ဖြေမှု၊ အပန်းဖြေအနားယူမှုလုပ်ငန်းများ တည်ထောင်ခွင့် တောင်းခံလာပါက သဘောထားမှတ်ချက်ဖြင့် သက်ဆိုင်ရာသို့ တင်ပြခြင်း၊ ခွင့်ပြုချက်မရှိဘဲ ဖွင့်လှစ်လျှင်ဖြစ်စေ၊ စည်းကမ်းချက် မလိုက်နာလျှင်ဖြစ်စေ အရေးယူခြင်း၊ အရေးယူရန် အကြောင်းကြားခြင်း၊

(ဋ) အများပြည်သူဆိုင်ရာ နေရာတွင်လောင်းကစားခြင်းကို ဖမ်းဆီးခြင်း၊ အရေးယူနိုင်ရန် အကြောင်းကြားခြင်း၊

(ဌ) လောင်းကစားအိမ်သို့ ဝင်ရောက်ရှာဖွေခြင်း သို့မဟုတ် ရှာဖွေရန် ဝရမ်းထုတ်ပေးခြင်း၊

(ဍ) လက်ပူးလက်ကြပ်ဖမ်းဆီးရမိခြင်းမရှိသော သတင်းကျော်စောသည့် လူဆိုး။ သူခိုးများအား ဖမ်းဆီးခြင်း၊ အရေးယူရန်အကြောင်းကြားခြင်း၊

(ဎ) တရားဥပဒေစိုးမိုးရေး၊ မှုခင်းကျဆင်းရေးနှင့် လုံခြုံရေးတို့အတွက်စစ်ဆေးရန် လိုအပ်သော နေအိမ်ဥပစာနှင့် နေရာများကို လုံလောက်သော အကြောင်းပြချက်နှင့် အဖွဲ့ဖြင့် စနစ်တကျ ဝင်ရောက်စစ်ဆေးခြင်း၊

(ဏ) လမ်းများ၊ အများပြည်သူဆိုင်ရာနေရာများတွင် အများပြည်သူအား အနှောင့်အယှက်ဖြစ်စေရန်၊ အန္တရာယ်ဖြစ်စေရန် ထိခိုက်နစ်နာစေရန် ပြုလုပ်မှုအတွက် လည်းကောင်း၊ ခိုက်ရန်ဖြစ်ပွားမှုကိုလည်းကောင်း၊ ခွင့်ပြုချက်မရှိသော လက်နက်ခဲယမ်းများကိုင်ဆောင်မှုကိုလည်းကောင်း တားမြစ်ခြင်း၊ ယင်း သို့တားမြစ်သည်ကို လိုက်နာခြင်းမရှိပါက ဖမ်းဆီးခြင်း၊ ဖမ်းဆီးရန် အကြောင်းကြားခြင်း၊

(တ) နိုင်ငံခြားသား ဝင်ထွက်သွားလာမှုကို သက်ဆိုင်ရာသို့ သတင်းပေးပို့ခြင်း၊

(ထ) မိမိရှေ့တွင် ဖြစ်ပွားသောပြစ်မှုနှင့်စပ်လျဉ်း၍ ပြစ်မှုကျူးလွန်သူအား ကိုယ်တိုင်ဖမ်းဆီးခြင်း သို့မဟုတ် ဖမ်းဆီးစေခြင်း၊ ယင်းသို့ဖမ်းဆီးခံရသူကို အရေးယူရန်သက်ဆိုင်ရာသို့ အကြောင်းကြားခြင်း၊

(ဒ) ကူးစက်ရောဂါကြိုတင်ကာကွယ်ရေး၊ မီးဘေးကာကွယ်ရေးနှင့်မီးငြှိမ်းသတ်ရေး၊ အများပြည်သူတို့ အားနှောင့်ယှက်မှုမှ တားဆီးရေးတို့ကို ညွှန်ကြားချက်နှင့်အညီ ဆောင်ရွက်ခြင်း၊

(ဓ) ဖွားသေမှတ်ပုံတင်စာရင်းနှင့် အိမ်ထောင်စုပြောင်းရွှေ့ထွက်ခွာခြင်း၊ ပြောင်းရွှေ့ရောက်ရှိခြင်းနှင့် လူဦးရေစာရင်းများကို အချိန်နှင့်တစ်ပြေးညီ ပြုစုခြင်း၊

(န) လူနှင့်တိရစ္ဆာန်များတွင် ကူးစက်ရောဂါဖြစ်ပွားပါက သက်ဆိုင်ရာသို့ သတင်းပို့ခြင်း၊ တိရစ္ဆာန်များ စနစ်တကျမွေးမြူရန် စည်းကမ်းသတ်မှတ်ခြင်း၊ သတ်ဖြတ်ခွင့်မရှိဘဲဖြစ်စေ၊ စည်းကမ်းနှင့်မညီဘဲ ဖြစ်စေ ကျွဲနွားသတ်ဖြတ်ခြင်းကို တားမြစ်ခြင်း၊ မလိုက်နာပါက သက်ဆိုင်ရာသို့ အရေးယူရန် အကြောင်းကြားခြင်း၊

(ပ) နိုင်ငံပိုင်မြေ၊ မြို့မြေ၊ ကျေးရွာမြေ၊ လယ်ယာမြေ၊ မြေနုကျွန်း၊ လမ်းမြေ၊ သစ်တောမြေ၊ ကျေးရွာပိုင်  ထင်းစိုက်ခင်းမြေ၊ စားကျက်မြေ၊ ကျေးရွာဘုံမြေ၊ သုသာန်မြေများတွင်ခွင့်ပြုချက်မရှိဘဲ ကျူးကျော်ခြင်း၊ အိမ်စုအသစ်ဆောက်လုပ်ခြင်း၊ ရပ်ကွက်ကျေးရွာအသစ်ဖွဲ့စည်းခြင်း၊ နေအိမ်အဆောက်အအုံဆောက်လုပ် ခြင်းတို့ကို တားမြစ်ခြင်း၊ မလိုက်နာပါက အရေးယူရန် အကြောင်းကြားခြင်း၊

(ဖ) ရပ်ကွက် သို့မဟုတ် ကျေးရွာ အတွင်းရှိဆည်မြောင်း၊ တာတမံများ၊ မြစ်၊ ချောင်းများ၊ တူးမြောင်း များ၊ လမ်းကြားမြောင်းများ၊ ရေဆိုးထုတ်မြောင်းများ၊ ရေတွင်းရေကန်များ၊ စက်ရေတွင်းများ၊ လက် ရိုက်တွင်းတိမ်များ၊ စိမ့်စမ်းရေထွက်များကို ထိန်းသိမ်းခြင်း၊ ကျူးကျော်ဖျက်ဆီးမှုများကို သက်ဆိုင်ရာ သို့အရေးယူရန် အကြောင်းကြားခြင်း၊

(ဗ) ရပ်ကွက် သို့မဟုတ် ကျေးရွာအတွင်းရှိ မြေတိုင်းမှတ်တိုင်များနှင့် ဆက်စပ်သည့် နယ်နိမိတ်မှတ်တိုင် သို့မဟုတ် ကျောက်တိုင်များစစ်ဆေးကြည့်ရှုခြင်း၊ နယ်နိမိတ်တစ်လျောက်တွင်ဖြစ်ပေါ်သည့် ထူးခြားမှု အခြေအနေများကို မြို့နယ်အုပ်ချုပ်ရေးမှူးထံ တင်ပြခြင်း၊

(ဘ) တည်ဆဲဥပဒေတစ်ရပ်ရပ်က အပ်နှင်းထားသော လုပ်ပိုင်ခွင့်အရ လယ်ယာမြေစီမံခန့်ခွဲခြင်း၊

(မ) ရွာမြေများအတွက်နှင့် ရွာမြေများအတွင်း မြေနေရာများကို ချထားပေးမည်ဆိုပါက မြို့နှင့်ကျေးရွာ မြေများ ဥပဒေနှင့်အညီ သက်ဆိုင်ရာသို့တင်ပြဆောင်ရွက်ခြင်း၊

(ယ) မြေခွန်နှင့် အစိုးရချေးငွေများ ကောက်ခံပေးခြင်း၊

(ရ) အင်းအိုင်များ၊ ငါးမွေးကန်များ ထိန်းသိမ်းခြင်း၊ အင်းအိုင်များတွင် ခွင့်ပြုချက်မရှိဘဲ ကျူးကျော်သူများ၊ ငါးပုဇွန်ဖမ်းသူများကို တားမြစ်ခြင်း၊ မလိုက်နာပါက သက်ဆိုင်ရာသို့ အရေးယူရန် အကြောင်းကြားခြင်း၊

(လ) မီးဘေး၊ ရေဘေး၊ လေဘေး၊ ငလျင်ဘေး စသည့် သဘာဝဘေးအန္တရာယ်များ ကြိုတင်ကာကွယ်ရေးနှင့် သဘာဝဘေးအန္တရာယ်ကျရောက်ပါက ကယ်ဆယ်ရေး ပြန်လည်နေရာချထားရေးလုပ်ငန်းများ ဆောင်ရွက်ခြင်း၊

(ဝ) အများပြည်သူအကျိုးနှင့် ဒေသခံပြည်သူများ၏အကျိုးကို လတ်တလောထိခိုက်စေမည့် ဘေးအန္တရာယ်များ ကျရောက်သဖြင့် အရေးပေါ်အခြေအနေ ပေါ်ပေါက်သည့်အခါ ဒေသခံပြည်သူတို့အတွက် အရေးကြီးပြီး တိုက်ရိုက်အကျိုးပြုသည့်လုပ်ငန်းကို ချက်ချင်းဆောင်ရွက်ခြင်းနှင့် မြို့နယ်အုပ်ချုပ်ရေးမှူးထံ အမြန်ဆုံးတင်ပြခြင်း၊

(သ) ရပ်ကွက် သို့မဟုတ် ကျေးရွာအုပ်စုအဆင့် ဌာနဆိုင်ရာ အဖွဲ့အစည်းများ၏ လုပ်ငန်းတာဝန်များကို ပေါင်းစပ်ညှိနှိုင်းခြင်းနှင့် ပံ့ပိုးကူညီခြင်း၊

(ဟ) သက်ဆိုင်ရာမြို့နယ်အုပ်ချုပ်ရေးမှူးက ဥပဒေနှင့်အညီ ပေးအပ်သောလုပ်ငန်းတာဝန်များ ဆောင်ရွက်ခြင်း၊

(ဠ) တည်ဆဲဥပဒေတစ်ရပ်ရပ်က ပေးအပ်သောလုပ်ငန်းတာဝန်များကို ဆောင်ရွက်ခြင်း။

 

ရပ်ကွက်သို့မဟုတ်ကျေးရွာအုပ်စုအုပ်ချုပ်ရေးဥပဒေ အခန်း(၉) တွင် ရပ်ကွက် သို့မဟုတ် ကျေးရွာအုပ်စုအတွင်း နေထိုင်သူ၏ တာဝန်ဝတ္တရားများကို ပြဌာန်းထားပါသည်။

၁၇။ ရပ်ကွက် သို့မဟုတ် ကျေးရွာအုပ်စုအတွင်း တစ်လနှင့်အထက်ကျော်လွန်၍ လာရောက်တည်းခို နေထိုင်သူများရှိပါက မှတ်တမ်းထားရှိနိုင်ရန်အတွက် သတ်မှတ်နည်းလမ်းများနှင့်အညီ သက်ဆိုင်ရာတာဝန်ရှိသူထံ အသိပေးအကြောင်းကြားရမည်။

၁၈။ ရပ်ကွက် သို့မဟုတ် ကျေးရွာအုပ်စုအတွင်းနေထိုင်သူသည် အသံချဲ့စက်ဖွင့်လိုပါက သက်ဆိုင်ရာရပ်ကွက် သို့မဟုတ် ကျေးရွာအုပ်စု အုပ်ချုပ်ရေးမှူးထံမှ ခွင့်ပြုမိန့်ရယူရမည့်အပြင် သတ်မှတ်ထားသည့် စည်းကမ်းချက်များကို လိုက်နာရမည်။

၁၉။ ရပ်ကွက် သို့မဟုတ်ကျေးရွာအုပ်စုအတွင်းနေထိုင်သူများသည် –

(က) မှုခင်းများ၊ ဒုစရိုက်မှုများနှင့် စပ်လျဉ်း၍ သက်ဆိုင်ရာသို့ သတင်းပေးပို့ရမည်။

(ခ) တိရစ္ဆာန်များ စနစ်တကျမွေးမြူရန် သတ်မှတ်သည့်ညွှန်ကြားချက်ကို လိုက်နာရမည်။

(ဂ) မွေးဖွားခြင်း၊ သေဆုံးခြင်းနှင့် အိမ်ထောင်စုပြောင်းရွှေ့ ထွက်ခွာခြင်း၊ ပြောင်းရွှေ့ရောက်ရှိခြင်းတို့ကို သတင်းပို့ရမည်။

၂၀။ ရပ်ကွက် သို့မဟုတ် ကျေးရွာအုပ်စုအတွင်း နေထိုင်သူသည် အများပြည်သူနှင့်သက်ဆိုင်သည့် ဖျော်ဖြေမှု၊ အပန်းဖြေအနားယူမှုလုပ်ငန်းများ တည်ထောင်လိုပါက သက်ဆိုင်ရာဌာန၊ အဖွဲ့အစည်းများထံမှ ခွင့်ပြုချက်ရယူရမည့်အပြင် သတ်မှတ်ထားသည့် စည်းကမ်းချက်များကို လိုက်နာရမည်။

၂၁။ ရပ်ကွက် သို့မဟုတ် ကျေးရွာအုပ်စုအတွင်း နေထိုင်သူသည် အခမ်းအနားများ၊ အများပြည်သူ ဖျော်ဖြေသည့်ပွဲများ၊ ပြပွဲများ၊ ပြိုင်ပွဲများ၊ ရိုးရာဓလေ့အရ ပြုလုပ်သည့်ပွဲများကို ကျင်းပလိုပါက သက်ဆိုင်ရာတာဝန်ရှိသူထံ အသိပေးတင်ပြရမည့်အပြင် သတ်မှတ်ပေးထားသည့် စည်းကမ်းချက်များကို လိုက်နာရမည်။

၂၂။ ရပ်ကွက် သို့မဟုတ် ကျေးရွာအုပ်စုအတွင်း နေထိုင်သူသည် ဒေသခံပြည်သူများ၏ အကျိုးစီးပွားကို တိုက်ရိုက်ဖြစ်စေ၊ သွယ်ဝိုက်၍ဖြစ်စေ ထိခိုက်နစ်နာစေရန် ပြုလုပ်ခြင်းကို ရှောင်ကြဉ်ရမည်။

၂၃။ ဘေးအန္တရာယ်တစ်စုံတစ်ရာကျရောက်ပြီး အရေးပေါ်အခြေအနေပေါ်ပေါက်သည့်အခါ ရပ်ကွက် သို့မဟုတ် ကျေးရွာအုပ်စုအတွင်း နေထိုင်သူသည် အများပြည်သူအကျိုးငှာ တိုက်ရိုက်အကျိုးပြုသည့် လုပ်ငန်းများကို ကူညီဆောင်ရွက်ရမည်။

ရပ်ကွက်သို့မဟုတ်ကျေးရွာအုပ်စုအုပ်ချုပ်ရေးဥပဒေပုဒ်မ ၂၄ တွင် ရပ်ကွက် သို့မဟုတ် ကျေးရွာအုပ်စုအတွင်းနေထိုင်သူများသည် အောက်ပါအခွင့်အရေးများကို ခံစားပိုင်ခွင့်ရှိသည်-

(က) နေအိမ်ဥပစာ လုံခြုံမှုနှင့် ပစ္စည်းလုံခြုံမှုအခွင့်အရေး၊

(ခ) ဘာသာ သာသနာဆိုင်ရာ ကိစ္စရပ်များဆောင်ရွက်ခွင့်၊

(ဂ) စာပေ၊ ယဉ်ကျေးမှု၊ အနုပညာနှင့်ဓလေ့ထုံးတမ်းများပြုစုပျိုးထောင်ခွင့်၊

(ဃ) ပညာသင်ကြားရေးဆိုင်ရာအခွင့်အရေး၊

(င) ကျန်းမာရေးဆိုင်ရာ အခွင့်အရေး၊

(စ) လူမှုစီးပွားဖွံ့ဖြိုးတိုးတက်ရေးဆိုင်ရာ အခွင့်အရေး။

 

ရပ်ကွက်သို့မဟုတ် ကျေးရွာအုပ်စုအုပ်ချုပ်ရေးဥပဒေ အခန်း (၁၁) တွင် ပြစ်မှုနှင့် ပြစ်ဒဏ်များကို ပြဌာန်းထားပါသည်။

၂၅။ မည်သူမဆို ပုဒ်မ ၂၀ ပါတာဝန်ကို ဆောင်ရွက်ရန် ပျက်ကွက်လျှင် ထိုသူကိုတစ်လထက်မပိုသော ထောင်ဒဏ်ဖြစ်စေ၊ ကျပ်သုံးသောင်းထက်မပိုသော ငွေဒဏ်ဖြစ်စေ၊ ဒဏ်နှစ်ရပ်လုံးကိုဖြစ်စေသက်ဆိုင်ရာ တရားရုံးက ချမှတ်ရမည်။

၂၆။ မည်သူမဆို ပုဒ်မ ၂၁ ပါတာဝန်ကိုဆောင်ရွက်ရန်ပျက်ကွက်လျှင် ထိုသူကိုခြောက်လထက်မပိုသော ထောင်ဒဏ်ဖြစ်စေ၊ ကျပ်ငါးသောင်းထက်မပိုသော ငွေဒဏ်ဖြစ်စေ၊ ဒဏ်နှစ်ရပ်လုံးကိုဖြစ်စေ သက်ဆိုင် ရာတရားရုံးက ချမှတ်ရမည်။

၂၇။ မည်သူမဆို ပုဒ်မ ၁၈ နှင့် ပုဒ်မ ၁၉ ပါ တာဝန်ကို ဆောင်ရွက်ရန်ပျက်ကွက်လျှင် ထိုသူကို ကျပ်ငါးထောင်ထက်မပိုသော ငွေဒဏ်ချမှတ်ရမည်။ ငွေဒဏ်ပေးဆောင်ရန် ပျက်ကွက်ပါက ခုနှစ်ရက်ထက်မပိုသော ထောင်ဒဏ်ကျခံစေရန် သက်ဆိုင်ရာတရားရုံးက ချမှတ်ရမည်။

၂၇-က။ မည်သူမဆို ပုဂ္ဂိုလ်တစ်ဦးတစ်ယောက်ထံမှ ထိုသူ၏ဆန္ဒအလျောက် ကမ်းလှမ်းခြင်းမဟုတ်ဘဲ အကျိုးစီးပွားထိခိုက်စေမည်ဟု ခြိမ်းခြောက်ခြင်း သို့မဟုတ် အပြစ်ပေးမည်ဟု ခြိမ်းခြောက်ခြင်းဖြင့် ထိုသူ၏လုပ်အား သို့မဟုတ် ဝန်ဆောင်မှုကို အဓမ္မရယူခိုင်းစေမှုပြုလျှင် ထိုသူကို တစ်နှစ်ထက်မပိုသော ထောင်ဒဏ်ဖြစ်စေ၊ ကျပ်တစ်သိန်းထက်မပိုသော ငွေဒဏ်ဖြစ်စေ၊ ဒဏ်နှစ်ရပ်လုံးကိုဖြစ်စေ သက်ဆိုင်ရာတရားရုံးက ချမှတ်ရမည်ဟု ပြဌာန်းထားပါသည်။

ပိုးသတ်ဆေးဥပဒေအရ လိုက်နာရမည့်အချက်များ

ပိုးသတ်ဆေးဥပဒေအရ လိုက်နာရမည့်အချက်များ

ပိုးသတ်ဆေးဥပဒေကို ၂၀၁၆ ခုနှစ်၊ ပြည်ထောင်စုလွှတ်တော် ဥပဒေအမှတ် ၁၄ ဖြင့် ပြဌာန်းခဲ့ပြီး အခန်း (၁၆) ခန်း နှင့် ပုဒ်မ ၄၈ ခု ပါဝင်ပါသည်။

 

 

 

ပိုးသတ်ဆေးဥပဒေပုဒ်မ ၂ (က) တွင်

 

ပိုးဆိုသည်မှာ သီးနှံ၊ ရိက္ခာ၊ လူ၊ တိရစ္ဆာန်နှင့် အခြားပစ္စည်းများကို နှောင့်ယှက်သော သို့မဟုတ် ဖျက်ဆီးသော ပိုးကောင်များ၊ မွှားကောင်များနှင့် အပင်ရောဂါပိုးများကို ဆိုသည်။ ယင်းစကားရပ်တွင် အပင်များကို နှောင့်ယှက်ဖျက်ဆီးသော ကြွက်၊ ပွေး၊ ခရု၊ ပေါင်းပင် စသည်တို့လည်းပါဝင်သည်။

 

 

 

ပိုးသတ်ဆေးဥပဒေပုဒ်မ ၂ (ခ) တွင်

 

ပိုးသတ်ဆေး ဆိုသည်မှာ ဖျက်ပိုးကို အဝေးသို့ပြေးစေရန်လည်းကောင်း၊ ဖျက်ဆီးရန်လည်းကောင်း၊ ကာကွယ်နှိမ်နှင်းရန်လည်းကောင်း သို့မဟုတ် ဖျက်ပိုးကြီးထွားမှုနှင့် အကျိုးတစ်စုံတစ်ရာအတွက် အပင် ကြီးထွားမှုကို ထိန်းချုပ်ရန်လည်းကောင်း ရည်ရွယ်ထားသော ဓာတုပစ္စည်း သို့မဟုတ် တစ်မျိုးထက်ပိုသော ဓာတုပစ္စည်းအရော သို့မဟုတ် အဏုဇီဝ ပစ္စည်းအရောကို ဆိုသည်။

 

 

ပိုးသတ်ဆေး ဖော်စပ်ရောင်းချခွင့်၊ ပြန်လည်ထုပ်ပိုးရောင်းချခွင့်နှင့်ပိုးသတ်မှိုင်းတိုက်ခြင်း လိုင်စင်ရရှိသူ၏ တာဝန်နှင့် လုပ်ပိုင်ခွင့်များကို ပိုးသတ်ဆေးဥပဒေ ပုဒ်မ ၂၄ တွင် ပြဌာန်းထားပါသည်။

 

၂၄။ ပိုးသတ်ဆေးဖော်စပ်ရောင်းချခွင့်နှင့် ပြန်လည်ထုပ်ပိုးရောင်းချခွင့်လိုင်စင်ရရှိသူသည်-

 

(က) လိုင်စင်ပါသက်တမ်းနှင့်အညီ လုပ်ကိုင်ဆောင်ရွက်ခွင့်ရှိသည်။

 

(ခ) ပေးဆောင်ရန်ရှိသော လိုင်စင်ခနှင့် ဓာတ်ခွဲစမ်းသပ်ခတို့ကို ပေးဆောင်ပြီးဖြစ်ရမည်။

 

(ဂ) လိုင်စင်လျှောက်ထားစဉ်က တင်ပြခဲ့သည့် အဆိပ်ရှိပစ္စည်း ပါဝင်မှုရာခိုင်နှုန်းအတိုင်း ပြည့်မီအောင် ဖော်စပ်ရမည်။

 

(ဃ) ဖော်စပ်သည့် ပိုးသတ်ဆေးအတွက် သုံးစွဲရန်အညွှန်းစာတွင် ပိုးသတ်ဆေးအမျိုးအမည်၊ ကာကွယ်နှိမ်နင်း နိုင်သောပိုးများ၊ အဆိပ်သင့်နိုင်မှုအဆင့်အတန်း၊ အသုံးပြုရမည့်ဆေးနှုန်းထားတို့အပြင် အဆိပ်သင့်နိုင်မှု အန္တရာယ်မှကင်းရှင်းရန် နည်းလမ်းများကို မြန်မာဘာသာဖြင့် ဖော်ပြရမည်။

 

(င) ပိုးသတ်ဆေးထည့်သွင်းထားသည့်ဘူး၊ ပုလင်း သို့မဟုတ် အထုပ်များပေါ်တွင် လိုင်စင်လျှောက်ထားစဉ်က တင်ပြခဲ့သည့် ထုတ်လုပ်သည့်ရက်စွဲနှင့် သက်တမ်းကုန်ဆုံးသည့် ရက်စွဲ၊ ကုန်အမှတ်တံဆိပ်နှင့် အညွှန်းတံဆိပ်ကို ကပ်ထားရမည်။

 

(စ) လိုင်စင်တွင် ဖော်ပြပါရှိသော စည်းကမ်းချက်များကို လိုက်နာရမည်။

 

(ဆ) ဦးစီးဌာနက အခါအားလျော်စွာ ထုတ်ပြန်သောအမိန့်၊ ညွှန်ကြားချက်များကို လိုက်နာရမည်။

 

(ဇ) ပိုးသတ်ဆေးဖော်စပ်ထုတ်လုပ်ရောင်းချခွင့် လိုင်စင်ရရှိသူ၊ ပြန်လည်ထုတ်ပိုးရောင်းချခွင့် လိုင်စင်ရရှိသူနှင့် ပိုးသတ်မှိုင်းတိုက်ခြင်းလိုင်စင်ရရှိသူတို့သည် လုပ်ငန်းကြောင့် သဘာဝပတ်ဝန်းကျင်ဆိုင်ရာ၊ လူမှုပတ်ဝန်းကျင် ဆိုင်ရာနှင့်ကျန်းမာရေးဆိုင်ရာ ထိခိုက်စေနိုင်ခြင်း ရှိ မရှိ တို့အား စစ်ဆေးခြင်း ခံယူရမည်။

 

(ဈ) လိုင်စင်သက်တမ်းကုန်ဆုံးပြီးနောက် ဆက်လက် လုပ်ကိုင်လိုလျှင် သက်တမ်းမကုန်ဆုံးမီ ရက်ပေါင်း ၃၀ ကြိုတင်၍ ဦးစီးဌာနသို့ သက်တမ်းတိုးမြှင့်ပေးရန် လျှောက်ထားရမည်။

 

 

 

ပိုးသတ်ဆေးလက်လီ လက်ကား ရောင်းချခွင့်လိုင်စင်ရရှိသူ၏ တာဝန်နှင့် လုပ်ပိုင်ခွင့်များကို ပိုးသတ်ဆေးဥပဒေပုဒ်မ ၂၅ တွင် ပြဌာန်းထားပါသည်။

 

၂၅။ ပိုးသတ်ဆေးလက်လီ လက်ကားရောင်းချခွင့် လိုင်စင်ရရှိသူသည်-

 

(က) လိုင်စင်ပါသက်တမ်းနှင့်အညီ လုပ်ကိုင်ဆောင်ရွက်ခွင့်ရှိသည်။

 

(ခ) သတ်မှတ်သော လိုင်စင်ခကို ပေးဆောင်ပြီးဖြစ်ရမည်။

 

(ဂ) လိုင်စင်ကို ဆိုင်တွင် မြင်သာအောင် ချိတ်ဆွဲထားရမည်။

 

(ဃ) ရောင်းချသည့်ပိုးသတ်ဆေးများ၏ အာနိသင်ပြောင်းလဲစေရန် အခြားအရာဝတ္ထုပစ္စည်း တစ်စုံတစ်ရာ ရောနှောခြင်း၊ ပြုပြင်ခြင်းနှင့် မမှန်မကန် ကြော်ငြာရောင်းချခြင်း မပြုလုပ်ရ။

 

(င) လိုင်စင်တွင် ဖော်ပြပါရှိသော စည်းကမ်းချက်များကို တိကျစွာ လိုက်နာရမည်။

 

(စ) ဦးစီးမှူး သို့မဟုတ် စစ်ဆေးရေးမှူးက အခါအားလျော်စွာ စစ်ဆေးခြင်းကို ခံယူရမည်။

 

(ဆ) မြို့နယ်ဦးစီးမှူးက တောင်းခံလာပါက မိမိလက်ဝယ်ရှိ ပိုးသတ်ဆေး နမူနာများကို ပေးအပ်ရမည်။

 

(ဇ) ပိုးသတ်ဆေး ဝယ်ယူရောင်းချသည့် မှတ်တမ်းများ ထားရှိရမည်။

 

(ဈ) လိုင်စင်သက်တမ်းကုန်ဆုံးပါက ဆက်လက်လုပ်ကိုင်လိုလျှင် သက်တမ်းမကုန်ဆုံးမီ ရက်ပေါင်း ၃၀ ကြိုတင်၍ သက်တမ်း တိုးမြှင့်ပေးရန် သက်ဆိုင်ရာ ခရိုင်ဦးစီးမှူးထံ လျှောက်ထားရမည်။

 

 

 

ပိုးသတ်ဆေးသုံးစွဲသူလိုက်နာရမည့် စည်းကမ်းများကို ပိုးသတ်ဆေးဥပဒေပုဒ်မ ၂၆ တွင် ပြဌာန်းထားပါသည်။

 

၂၆။ ပိုးသတ်ဆေးသုံးစွဲသူသည်-

 

(က) ပိုးသတ်ဆေးအညွှန်းစာပါအတိုင်း လိုက်နာ သုံးစွဲရမည်။

 

(ခ) ဦးစီးဌာနက အခါအားလျော်စွာ ထုတ်ပြန်သော ပိုးသတ်ဆေး အန္တရာယ်ကင်းရှင်းစွာ ကိုင်တွယ်ခြင်း နည်းလမ်းများအတိုင်း လိုက်နာသုံးစွဲရမည်။

 

(ဂ) ပိုးသတ်ဆေးများကို အစားအသောက်များနှင့် နီးကပ်စွာထားရှိခြင်း၊ ကလေးသူငယ်များ အလွယ်တကူ လက်လှမ်းမီသော နေရာတွင် ထားရှိခြင်းမပြုလုပ်ရ။

 

(ဃ) သုံးစွဲပြီးသော ပိုးသတ်ဆေးဘူးအခွံနှင့် ထုပ်ပိုးပစ္စည်းများကို ဦးစီးဌာန၏ ညွှန်ကြားချက်နှင့်အညီ စွန့်ပစ် ဖျက်ဆီးခြင်း နည်းလမ်းများအတိုင်း လိုက်နာဆောင်ရွက်ရမည်။

 

(င) စိုက်ခင်းများတွင်လည်းကောင်း၊ ရိတ်သိမ်းပြီးသီးနှံများကို သိုလှောင်ရာတွင်လည်းကောင်း ပိုးသတ်ဆေး သုံးစွဲခြင်းနှင့် စပ်လျဉ်း၍ ဦးစီးဌာနက အခါအားလျော်စွာ ထုတ်ပြန်သော ပညာပေးလမ်းညွှန်မှုများကို လိုက်နာရမည်။

 

 

 

စီမံခန့်ခွဲရေးနည်းလမ်းအရ အရေးယူခြင်းကို ပိုးသတ်ဆေးဥပဒေပုဒ်မ ၂၇ နှင့် ၂၈ တို့တွင် ပြဌာန်းထားပါသည်။

 

၂၇။ ညွှန်ကြားရေးမှူးချုပ်သည် ပုဒ်မ ၂၄ ပါ ပြဋ္ဌာန်းချက်များနှင့် စပ်လျဉ်း၍ လိုင်စင်ပါ စည်းကမ်းချက် တစ်ရပ်ရပ်ကို လိုက်နာဆောင်ရွက်ရန် ပျက်ကွက်သော လိုင်စင်ရရှိသူအား အောက်ပါ စီမံခန့်ခွဲရေးဆိုင်ရာ အမိန့်တစ်ရပ်ရပ်ကိုဖြစ်စေ၊ တစ်ရပ်ထက်ပို၍ဖြစ်စေ ချမှတ်နိုင်သည်-

 

(က) လိုင်စင်ကိုရုပ်သိမ်းခြင်း သို့မဟုတ် ကာလအကန့်အသတ်ဖြင့် ဆိုင်းငံ့ခြင်း၊

 

(ခ) ဒဏ်ကြေးငွေပေးဆောင်စေ၍ လိုအပ်ချက်များကို ပြုပြင်စေပြီး ဆက်လက်လုပ်ကိုင်ခွင့်ပြုခြင်း၊

 

(ဂ) လိုင်စင်ရရှိသူ၏ လက်ဝယ်ရှိ ပိုးသတ်ဆေးလက်ကျန်ကို သိမ်းယူခြင်း၊ ဖျက်ဆီးခြင်း။

 

၂၈။ ခရိုင်ဦးစီးမှူးသည် ပုဒ်မ ၂၅ ပါ လိုင်စင်ပြဋ္ဌာန်းချက်များနှင့် စပ်လျဉ်း၍ စည်းကမ်းချက်တစ်ရပ်ရပ်ကို လိုက်နာဆောင်ရွက်ရန် ပျက်ကွက်သော လိုင်စင်ရရှိသူအား အောက်ပါစီမံခန့်ခွဲရေးဆိုင်ရာ အမိန့်တစ်ရပ်ရပ်ကို ဖြစ်စေ၊ တစ်ရပ်ထက် ပို၍ဖြစ်စေ ချမှတ်နိုင်သည်-

 

(က) လိုင်စင်ကိုရုပ်သိမ်းခြင်း သို့မဟုတ် ကာလအကန့်အသတ်ဖြင့် ဆိုင်းငံ့ခြင်း၊

 

(ခ) ဒဏ်ကြေးငွေပေးဆောင်စေ၍ လိုအပ်ချက်များကို ပြုပြင်စေပြီး ဆက်လက်လုပ်ကိုင်ခွင့်ပြုခြင်း၊

 

(ဂ) လိုင်စင်ရရှိသူ၏ လက်ဝယ်ရှိ ပိုးသတ်ဆေးလက်ကျန်ကို သိမ်းယူခြင်း၊ ဖျက်ဆီးခြင်း။

 

 

 

အယူခံခြင်းကို ပိုးသတ်ဆေးဥပဒေ ပုဒ်မ ၂၉ နှင့် ၃၀ တို့တွင်ပြဌာန်းထားပါသည်။

 

၂၉။ ပုဒ်မ ၂၈ အရ ခရိုင်ဦးစီးမှူးက ချမှတ်သည့်အမိန့် သို့မဟုတ် ဆုံးဖြတ်ချက်ကို မကျေနပ်ပါက ယင်းအမိန့် သို့မဟုတ် ဆုံးဖြတ်ချက်ချသည့်နေ့မှ ရက်ပေါင်း ၃၀ အတွင်း ညွှန်ကြားရေးမှူးချုပ်ထံ အယူခံဝင်နိုင်သည်။

 

၃၀။ (က) ပုဒ်မ ၂၇ အရလည်းကောင်း၊ ပုဒ်မ ၂၉ အရလည်းကောင်း ညွှန်ကြားရေးမှူးချုပ်က ချမှတ်သည့် အမိန့် သို့မဟုတ် ဆုံးဖြတ်ချက်ကို မကျေနပ်ပါက ယင်းအမိန့် သို့မဟုတ် ဆုံးဖြတ်ချက်ချမှတ်သည့်နေ့မှ ရက်ပေါင်း ၃၀ အတွင်း ဝန်ကြီးထံ အယူခံဝင်နိုင်သည်။

 

(ခ) ဝန်ကြီး၏ ဆုံးဖြတ်ချက်သည် အပြီးအပြတ်ဖြစ်စေရမည်။

 

 

 

တားမြစ်ချက်များကို ပိုးသတ်ဆေးဥပဒေပုဒ်မ ၃၁ မှ ၃၈ အထိပြဌာန်းထားပါသည်။

 

၃၁။ မည်သူမျှ မှတ်ပုံတင်အဖွဲ့၏ ခွင့်ပြုချက်မရှိဘဲ ပိုးသတ်ဆေး သို့မဟုတ် အဆိပ်ရှိပစ္စည်းကို ပြည်ပမှ တင်သွင်းခြင်း၊ ပြည်ပသို့တင်ပို့ခြင်း မပြုလုပ်ရ။

 

၃၂။ မည်သူမျှ လိုင်စင်မရှိဘဲ ပြည်ပမှတင်သွင်းလာသော အဆိပ်ရှိပစ္စည်းကို ပိုးသတ်ဆေးအဖြစ် ဖော်စပ်ရောင်းချ သည့် လုပ်ငန်း၊ ပြည်ပမှ ပြည်တွင်းသို့ တင်သွင်းလာသော ပိုးသတ်ဆေးကို ပြန်လည်ထုပ်ပိုးရောင်းချသည့် လုပ်ငန်း၊ ပိုးသတ်ဆေးကို လက်လီလက်ကား ရောင်းချသည့်လုပ်ငန်းနှင့် ပိုးသတ်မှိုင်းတိုက်ခြင်း လုပ်ငန်းများကို မပြုလုပ်ရ။

 

၃၃။ မည်သူမျှ ပိုးသတ်ဆေးကိုဖြစ်စေ၊ အဆိပ်ရှိပစ္စည်းကိုဖြစ်စေ ပိုးကျသည့် အန္တရာယ်ကာကွယ်နှိမ်နင်း သည့်ကိစ္စမှအပ လူအများစားသုံးသည့်သီးနှံ၊ အစားအစာ သို့မဟုတ် အဖျော်ယမကာ စသည်များတွင် ထည့်သွင်း သုံးစွဲခြင်း၊ ပိုးသတ်ဆေး သို့မဟုတ် အဆိပ်ရှိပစ္စည်းကို သုံးစွဲလျက် မည်သည့်သတ္တဝါကိုမျှ ဖမ်းယူခြင်း၊ သတ်ဖြတ်ခြင်း မပြုလုပ်ရ။

 

၃၄။ မည်သူမျှ အသက် ၁၈နှစ် နှင့် ၁၈ နှစ်အောက် ကလေး၊ ကိုယ်ဝန်ဆောင် မိန်းမ သို့မဟုတ် ကလေး နို့တိုက်သောမိန်းမကို ပိုးသတ်ဆေးကိုင်တွယ်ရာတွင်လည်းကောင်း၊ သုံးစွဲရာတွင်လည်းကောင်း စေခိုင်းခြင်း မပြုလုပ်ရ။

 

၃၅။ ပိုးသတ်ဆေးသုံးစွဲသူ မည်သူမဆို ပုဒ်မ ၂၆ ပါ စည်းကမ်းချက် တစ်ရပ်ရပ်ကို ဖောက်ဖျက်ခြင်းကြောင့် ပတ်ဝန်းကျင်ကိုဖြစ်စေ၊ တစ်စုံတစ်ယောက်ကိုဖြစ်စေ ထိခိုက်နစ်နာခြင်း မရှိစေရ။

 

၃၆။ ပိုးသတ်ဆေးသုံးစွဲသူ မည်သူမဆို ပုဒ်မ ၂၆ ပါ စည်းကမ်းချက်တစ်ရပ်ရပ်ကို ဖောက်ဖျက်ခြင်းကြောင့် တစ်စုံတစ်ယောက်သောသူအား အသက်ဆုံးရှုံးမှုကို ဖြစ်ပေါ်စေပါက ရာဇသတ်ကြီးအရ ပြစ်ဒဏ်ထိုက်သင့်စေရမည်။

 

၃၇။ မည်သူမျှ သီးနှံများကို သိုလှောင်ရာတွင် မှတ်ပုံတင်အဖွဲ့က သတ်မှတ်ထားသည့် ပိုးသတ်ဆေးအမျိုးအစား နှင့် သုံးစွဲနည်းများမှအပ အခြားပိုးသတ်ဆေးအမျိုးအစားနှင့် သုံးစွဲနည်းများကို သုံးစွဲခြင်း မပြုရ။

 

၃၈။ မည်သူမျှ ပိုးသတ်ဆေးကို အစားအစာနှင့် အတူတွဲ၍ရောင်းချခြင်းသော်လည်းကောင်း၊ သယ်ဆောင်ခြင်း သော်လည်းကောင်း မပြုလုပ်ရ။

 

 

 

ပြစ်မှုနှင့် ပြစ်ဒဏ်များကို ပိုးသတ်ဆေးဥပဒေပုဒ်မ ၃၉ မှ ၄၂ အထိ ပြဌာန်းထားပါသည်။

 

၃၉။ မည်သူမဆို ပုဒ်မ ၂၅၊ ပုဒ်မခွဲ (ဃ)၊ပုဒ်မ ၃၁၊ ၃၂၊ ၃၃ နှင့် ၃၄ ပါ ပြဌာန်းချက်တစ်ရပ်ရပ်ကို ဖောက်ဖျက် ကျူးလွန်ကြောင်း ပြစ်မှုထင်ရှားစီရင်ခြင်းခံရလျှင် ထိုသူကို ထောင်ဒဏ်ငါးနှစ်အထိဖြစ်စေ၊ ငွေဒဏ်ကျပ် တစ်ဆယ်သိန်း အထိဖြစ်စေ၊ ဒဏ်နှစ်ရပ်လုံးဖြစ်စေ ကျခံစေရမည်။ ထို့ပြင် ပြစ်မှုတွင် အကျုံးဝင်သည့် သက်သေခံ ပစ္စည်းများကိုလည်း သိမ်းယူခြင်းခံရမည်။

 

၄၀။ မည်သူမဆို ပုဒ်မ ၃၅ ပါ ပြဋ္ဌာန်းချက်ကို ဖောက်ဖျက် ကျူးလွန်ကြောင်း ပြစ်မှုထင်ရှားစီရင်ခြင်းခံရလျှင် ထိုသူကို ခြောက်လအထိ ထောင်ဒဏ်ဖြစ်စေ၊ ငွေဒဏ်ကျပ် သုံးသိန်းအထိဖြစ်စေ ကျခံစေရမည်။

 

၄၁။ မည်သူမဆို ပုဒ်မ ၃၆ သို့မဟုတ် ပုဒ်မ ၃၇ ပါ ပြဋ္ဌာန်းချက်တစ်ရပ်ရပ်ကို ဖောက်ဖျက်ကျူးလွန်ကြောင်း ပြစ်မှုထင်ရှားစီရင်ခြင်းခံရလျှင် ထိုသူကို ထောင်ဒဏ်တစ်နှစ်အထိဖြစ်စေ၊ ငွေဒဏ်ကျပ် တစ်ဆယ်သိန်းအထိ ဖြစ်စေ၊ ဒဏ်နှစ်ရပ်လုံးဖြစ်စေ ကျခံစေရမည်။ ထို့ပြင် ပြစ်မှုတွင် အကျုံးဝင်သည့် သက်သေခံပစ္စည်းများကိုလည်း သိမ်းယူခြင်းခံရမည်။

 

၄၂။ သက်ဆိုင်ရာ တရားရုံးသည် သိမ်းယူထားသော သက်သေခံပစ္စည်းများကို စီမံခန့်ခွဲရန် ညွှန်ကြားရေးမှူးချုပ်ထံ လွှဲပြောင်းပေးအပ်ရမည်။

စာသုံးသူများ၏ အခွင့်အရေးများ

စာသုံးသူများ၏ အခွင့်အရေးများ

  စားသုံးသူအကာအကြယ္ေပးေရးဥပေဒကို ၂၀၁၄ ခုႏွစ္၊ ျပည္ေထာင္စုလႊတ္ေတာ္ ဥပေဒအမွတ္ ၁၀ ျဖင့္ ျပဌာန္းခဲ့ပါသည္။ စားသုံးသူအကာအကြယ္ေပးေရး ဥပေဒ ပုဒ္မ ၂ (က) တြင္ စားသုံးသူဆိုသည္မွာ ကုန္စည္ သို႔မဟုတ္ ဝန္ေဆာင္မႈကို ကုန္သြယ္ေရာင္းဝယ္မႈ အတြက္ မဟုတ္ဘဲစားေသာက္ျခင္း သို႔မဟုတ္ သုံးစြဲျခင္းျပဳသူကို ဆိုသည္။ စားသုံးသူအကာအကြယ္ေပးေရး ဥပေဒ ပုဒ္မ ၂ (ခ) တြင္ စားသုံးသူအကာအကြယ္ေပးေရး ဆိုသည္မွာ ကုန္စည္ သို႔မဟုတ္ ဝန္ေဆာင္မႈ ႏွင့္စပ္လ်ဥ္း၍ စားသုံးသူအား ဥပေဒဆိုင္ရာအကာအကြယ္ေပးေရး၊ က်န္းမာေရးႏွင့္ ေဘးဥပဒ္အႏၲရာယ္ ကင္းရွင္းေရး ဆိုင္ရာ အာမခံခ်က္ေပးေရးကို ဆိုသည္။   စားသုံးသူ၏ အခြင့္အေရးႏွင့္တာဝန္မ်ား စားသုံးသူအကာအကြယ္ေပးေရး ဥပေဒ ပုဒ္မ ၆ တြင္ ၆။ (က) စားသုံးသူ၏အခြင့္အေရးမ်ားမွာ ေအာက္ပါအတိုင္းျဖစ္သည္- (၁) ကုန္စည္ သို႔မဟုတ္ ဝန္ေဆာင္မႈကို ေဘးဥပဒ္အႏၲရာယ္ကင္းရွင္းစြာ အသုံးျပဳနိုင္ျခင္း၊ (၂) ကုန္စည္ သို႔မဟုတ္ ဝန္ေဆာင္မႈကို ေရြးခ်ယ္နိုင္ျခင္းႏွင့္ ဝန္ခံကတိျပဳထားေသာတန္ဖိုး၊ စည္းကမ္း ခ်က္မ်ား၊ အာမခံမႈတို႔ႏွင့္အညီ ရယူခြင့္ရွိျခင္း၊ (၃) ကုန္စည္ သို႔မဟုတ္ ဝန္ေဆာင္မႈ၏ အေျခအေန၊ အာမခံခ်က္တို႔ႏွင့္စပ္လ်ဥ္းသည့္ သတင္း အခ်က္အလက္မ်ားကို ျပည့္စုံမွန္ကန္စြာရယူခြင့္ရွိျခင္း၊ (၄) စားသုံးသူအသုံးျပဳေသာကုန္စည္ သို႔မဟုတ္ ဝန္ေဆာင္မႈႏွင့္စပ္လ်ဥ္းသည့္ အျငင္းပြားမႈအေပၚ ၾကားနာေျဖရွင္းေပးရန္ အေရးဆိုတိုင္တန္းနိုင္ျခင္း၊ စားသုံးသူအကာအကြယ္ေပးမႈမ်ားရရွိနိုင္ျခင္းႏွင့္ မွန္ကန္ေသာေျဖရွင္းမႈ ရရွိနိုင္ျခင္း၊ (၅) ခြဲျခားဆက္ဆံမႈမရွိသည့္ မၽွတေသာဆက္ဆံမႈႏွင့္ ဝန္ေဆာင္မႈရရွိျခင္း။ (ခ) စားသုံးသူ၏တာဝန္မ်ားမွာ ေအာက္ပါအတိုင္းျဖစ္သည္- (၁) ေဘးဥပဒ္အႏၲရာယ္ကင္းရွင္းေစရန္ ရည္ရြယ္ေဖာ္ျပထားေသာ ကုန္စည္ သို႔မဟုတ္ ဝန္ေဆာင္မႈ ဆိုင္ရာ သတင္းအခ်က္အလက္ႏွင့္ လမ္းညႊန္ခ်က္မ်ားကို လိုက္နာေဆာင္ရြက္ျခင္း၊ (၂) စားသုံးသူအျငင္းပြားမႈမ်ားတြင္ သင့္ေလ်ာ္စြာေျဖရွင္းေပးသည့္ စားသုံးသူအျငင္းပြားမႈေျဖရွင္းေရး အဖြဲ႕၏ ဆုံးျဖတ္ခ်က္မ်ားကို လိုက္နာျခင္း၊ (၃) စီးပြားေရးလုပ္ငန္းရွင္မ်ားအေပၚ ထိခိုက္နစ္နာေစရန္ ရည္ရြယ္၍ မဟုတ္မမွန္စြပ္စြဲေျပာဆိုမႈ ျပဳလုပ္ျခင္းတို႔ကို ေရွာင္ၾကဥ္ျခင္း၊ (၄) စားသုံးသူအျငင္းပြားမႈကို သက္ဆိုင္ရာမွေျဖရွင္းေနစဥ္ လူထုဆက္သြယ္ေရးနည္းလမ္းမ်ားျဖင့္ ျဖစ္ေစ၊ အျခားနည္းလမ္းျဖင့္ျဖစ္ေစ သက္ဆိုင္ရာစီးပြားေရးလုပ္ငန္းရွင္အေပၚ ထိခိုက္နစ္နာေစရန္ ေျပာဆိုျခင္း၊ ေရးသားျခင္းႏွင့္ ျပဳမူျခင္းတို႔ကို ေရွာင္ၾကဥ္ျခင္း။   စားသုံးသူအကာအကြယ္ေပးေရး ဥပေဒ ပုဒ္မ ၇ တြင္ စီးပြားေရးလုပ္ငန္းရွင္၏ အခြင့္အေရးႏွင့္တာဝန္မ်ား ကိုျပဌာန္းထားပါသည္။ ၇။ (က) စီးပြားေရးလုပ္ငန္းရွင္၏အခြင့္အေရးမ်ားမွာ ေအာက္ပါအတိုင္းျဖစ္သည္- (၁) ကုန္စည္ သို႔မဟုတ္ ဝန္ေဆာင္မႈ အေရာင္းအဝယ္ျပဳလုပ္ရာတြင္ သေဘာတူညီခ်က္မ်ား၊ တန္ဖိုး မ်ားႏွင့္အညီ ေငြေပးေခ်မႈ လက္ခံရယူျခင္း၊ (၂) စားသုံးသူအျငင္းပြားမႈတြင္ ဥပေဒအရ ကာကြယ္ခုခံေခ်ပခြင့္ရရွိျခင္း၊ (၃) စားသုံးသူ၏ ဆုံးရွုံးနစ္နာမႈသည္ မိမိ၏ကုန္စည္ သို႔မဟုတ္ ဝန္ေဆာင္မႈေၾကာင့္ မဟုတ္ပါက နာမည္ေကာင္းျပန္လည္ရရွိေရး ေဆာင္ရြက္နိုင္ျခင္း၊ (၄) စားသုံးသူ၏ ဆုံးရွုံးနစ္နာမႈသည္ ၎ဝယ္ယူေသာကုန္စည္ သို႔မဟုတ္ ဝန္ေဆာင္မႈေၾကာင့္ မဟုတ္ေၾကာင္း ဥပေဒႏွင့္အညီ သက္ေသျပနိုင္ပါက နာမည္ေကာင္းကို ျပန္လည္ရရွိနိုင္ျခင္း။ (ခ) စီးပြားေရးလုပ္ငန္းရွင္၏တာဝန္မ်ားမွာ ေအာက္ပါအတိုင္းျဖစ္သည္- (၁) စီးပြားေရးလုပ္ငန္းကို စီးပြားေရးက်င့္ဝတ္စည္းကမ္းႏွင့္အညီ လုပ္ကိုင္ျခင္း၊ (၂) ကုန္စည္ သို႔မဟုတ္ ဝန္ေဆာင္မႈအေပၚ ရွင္းလင္းမွန္ကန္ေသာ သတင္းအခ်က္အလက္မ်ား ေပးျခင္း၊ (၃) စားသုံးသူမ်ားကို ခြဲျခားမႈမရွိဘဲ ေျဖာင့္မတ္မွန္ကန္စြာဆက္ဆံျခင္း၊ (၄) ေရာင္းဝယ္ေသာ သို႔မဟုတ္ ထုတ္လုပ္ေသာ ကုန္စည္ သို႔မဟုတ္ ဝန္ေဆာင္မႈကို သတ္မွတ္ထား ေသာ စံခ်ိန္စံညႊန္း၊ အရည္အေသြးမ်ားအေပၚ အေျခခံ၍ အာမခံခ်က္ေပးျခင္း၊ (၅) အရည္အေသြးစမ္းသပ္ရန္ လိုအပ္ေသာ ကုန္စည္ သို႔မဟုတ္ ဝန္ေဆာင္မႈကို ဝယ္ယူျခင္း မျပဳမီ စားသုံးသူမ်ားအား စမ္းသပ္နိုင္သည့္ အခြင့္အေရးေပးျခင္း၊ (၆) အာမခံေပးထားသည့္ကာလအတြင္း ကုန္စည္ကို စားသုံးျခင္း သို႔မဟုတ္ ဝန္ေဆာင္မႈကို သုံးစြဲျခင္း တို႔ေၾကာင့္ ပ်က္စီးဆုံးရွုံးမႈမ်ားႏွင့္စပ္လ်ဥ္း၍ အာမခံခ်က္ေပးအပ္ထားသည့္အတိုင္း တာဝန္ယူေဆာင္ ရြက္ေပးျခင္း၊ (၇) စားသုံးသူက လက္ခံရရွိထားေသာ သို႔မဟုတ္ အသုံးျပဳထားေသာကုန္စည္သည္ သေဘာတူညီခ်က္ ႏွင့္ ကိုက္ညီမႈမရွိပါက သေဘာတူညီထားသည့္ စည္းကမ္းအတိုင္း တာဝန္ယူေဆာင္ရြက္ေပးျခင္း၊ (၈) ဝန္ေဆာင္မႈလုပ္ငန္းလုပ္ေဆာင္ရာတြင္ သေဘာတူညီထားေသာ သေဘာတူညီခ်က္ သို႔မဟုတ္ စာခ်ဳပ္ပါ ဝန္ခံကတိအတိုင္း တိက်စြာလိုက္နာေဆာင္ရြက္ျခင္း၊ (၉) စားသုံးသူအျငင္းပြားမႈကို သက္ဆိုင္ရာမွ ေျဖရွင္းေနစဥ္ လူထုဆက္သြယ္ေရးနည္းလမ္းမ်ားျဖင့္ ျဖစ္ေစ၊ အျခားနည္းလမ္းျဖင့္ျဖစ္ေစ သက္ဆိုင္ရာစားသုံးသူအေပၚ ထိခိုက္နစ္နာေစရန္ ေျပာဆိုျခင္း၊ ေရးသားျခင္း ႏွင့္ ျပဳမူျခင္းတို႔ကို ေရွာင္ၾကဥ္ျခင္း။   စားသုံးသူအကာအကြယ္ေပးေရး ဥပေဒ ပုဒ္မ ၈ မွ ၁၅ အထိ စီးပြားေရးလုပ္ငန္းရွင္အတြက္ တားျမစ္ခ်က္မ်ားကို ျပဌာန္းထားပါသည္။ ၈။ စီးပြားေရးလုပ္ငန္းရွင္သည္ ေအာက္ပါတို႔ကို ထုတ္လုပ္ျခင္း၊ ကုန္သြယ္ျခင္း၊ ေဆာင္ရြက္ျခင္းမျပဳရ- (က) သက္ဆိုင္ရာကုန္စည္၏ သတင္းအခ်က္အလက္ သို႔မဟုတ္ တံဆိပ္အမွတ္အသားေပၚတြင္ ေဖာ္ျပထားေသာ အေျခအေန၊ အာမခံခ်က္၊ ထူးျခားခ်က္၊ အက်ိဳးသက္ေရာက္မႈ၊ အသားတင္အေလး ခ်ိန္၊ အသားတင္ထုထည္၊ စုစုေပါင္းပမာဏ၊ အရည္အေသြး၊ အဆင့္အတန္း၊ ဖြဲ႕စည္းပုံ၊ ျပဳလုပ္ပုံနည္းလမ္း၊ ပုံစံတို႔ႏွင့္ ကိုက္ညီမႈမရွိေသာကုန္စည္၊ (ခ) တံဆိပ္အမွတ္အသားပါအခ်က္အလက္ သို႔မဟုတ္ ေၾကာ္ျငာႏွင့္ အေရာင္းျမႇင့္တင္ေရးတို႔တြင္ ပါဝင္ေသာ ေဖာ္ျပခ်က္တို႔ႏွင့္ ကိုက္ညီမႈမရွိေသာကုန္စည္၊ (ဂ) အမည္၊ အရြယ္အစား၊ အသားတင္အေလးခ်ိန္၊ ထုထည္၊ ဖြဲ႕စည္းပုံ၊ ညႊန္ၾကားခ်က္၊ ထုတ္လုပ္သည့္ရက္စြဲႏွင့္ ထုတ္လုပ္သည့္အမွတ္စဥ္၊ ေနာက္ဆုံးသုံးစြဲရမည့္ ရက္စြဲ၊ ေဘးထြက္ဆိုးက်ိဳး၊ ဓာတ္မတည့္ေၾကာင္း ေဖာ္ျပခ်က္၊ ထုတ္လုပ္သည့္ ကုမၸဏီအမည္ႏွင့္လိပ္စာ၊ ေရာင္းခ်ျဖန္႔ျဖဴးသူအမည္၊ အမွတ္တံဆိပ္၊ သတင္းအခ်က္အလက္ႏွင့္ ႀကိဳတင္သတိေပးခ်က္တို႔ မပါရွိေသာကုန္စည္၊ (ဃ) သုံးစြဲပုံႏွင့္ပတ္သက္ေသာ သတင္း၊ အခ်က္အလက္ သို႔မဟုတ္ ညႊန္ၾကားခ်က္မ်ားကို ဗဟိုေကာ္မတီက သတ္မွတ္ထားေသာေန႔ရက္မွစ၍ ျမန္မာဘာသာျဖင့္ျဖစ္ေစ၊ ျမန္မာႏွင့္အျခားဘာသာ တြဲလ်က္ျဖစ္ေစ ေဖာ္ျပထားျခင္းမရွိေသာကုန္စည္၊ (င) မူလထြက္ရွိသည့္ေနရာ သို႔မဟုတ္ ထုတ္လုပ္သည့္ေနရာႏွင့္စပ္လ်ဥ္း၍ မမွန္မကန္ေဖာ္ျပထားသည့္ ကုန္စည္၊ (စ)ျပည္တြင္းျပည္ပအသိအမွတ္ျပဳဌာန သို႔မဟုတ္ အဖြဲ႕အစည္းတစ္ခုခု၏ ေထာက္ခံခ်က္အရျဖစ္ေစ၊ သတ္မွတ္ထားေသာ စံသတ္မွတ္ခ်က္မ်ားအရျဖစ္ေစ ကိုက္ညီမႈမရွိေသာကုန္စည္၊ (ဆ) သက္ဆိုင္ရာအဖြဲ႕အစည္းက သိပၸံနည္းက်သုေတသနျပဳေဆာင္ရြက္ခ်က္၊ ေတြ႕ရွိခ်က္အေထာက္အ ထားမ်ား မရွိဘဲ က်န္းမာေရးႏွင့္ အာဟာရဆိုင္ရာအာမခံခ်က္မ်ား ေဖာ္ျပထားသည့္ ကုန္စည္၊ (ဇ) သတ္မွတ္ထားေသာ စံခ်ိန္စံညႊန္းမ်ားႏွင့္ ကိုက္ညီမႈမရွိေသာကုန္စည္၊ (စ်) သက္ဆိုင္ရာဝန္ေဆာင္မႈႏွင့္စပ္လ်ဥ္းသည့္ သတင္းအခ်က္အလက္တြင္ ေဖာ္ျပထားေသာအေၿခ အေန၊ အာမခံခ်က္၊ ထူးျခားခ်က္၊ ကာလသတ္မွတ္ခ်က္၊ အက်ိဳးသက္ေရာက္မႈတို႔ႏွင့္ကိုက္ညီမႈမရွိေသာ ဝန္ေဆာင္မႈ၊ (ည) ေၾကာ္ျငာႏွင့္ အေရာင္းျမႇင့္တင္ေရးတို႔တြင္ ပါဝင္ေသာ ေဖာ္ျပခ်က္တို႔ႏွင့္ ကိုက္ညီမႈမရွိေသာဝန္ ေဆာင္မႈ။ ၉။ စီးပြားေရးလုပ္ငန္းရွင္သည္ ေအာက္ပါအေျခအေနမ်ားတြင္ ဝယ္ယူသူ သို႔မဟုတ္ အသုံးျပဳသူအား ထင္ေယာင္ထင္မွားျဖစ္ေစရန္ ရည္ရြယ္၍ ေရာင္းခ်ရန္ ကမ္းလွမ္းျခင္းေသာ္လည္းေကာင္း၊ အေရာင္း ျမႇင့္တင္ျခင္းေသာ္လည္းေကာင္း၊ ေၾကာ္ျငာျခင္းေသာ္လည္းေကာင္းမျပဳလုပ္ရ- (က) ထုတ္ေဖာ္ညႊန္းဆိုထားေသာ အရည္အေသြးစံခ်ိန္စံညႊန္း၊ ပုံစံ သို႔မဟုတ္ နည္းလမ္း၊ ထူးျခား ေသာလကၡဏာ၊ အသုံးျပဳမႈတို႔ႏွင့္ ကိုက္ညီမႈမရွိသည့္ ေစ်းႏွုန္းေလၽွာ့ေပးထားေသာကုန္စည္ သို႔မဟုတ္ အထူးေစ်းႏွုန္းသတ္မွတ္ထားေသာကုန္စည္ျဖစ္ျခင္း၊ (ခ) သစ္လြင္ေကာင္းမြန္ေသာ အေျခအေနတြင္မရွိေသာ ကုန္စည္ျဖစ္ျခင္း၊ (ဂ)  အျခားကုမၸဏီတစ္ခုခု၏ ကုန္စည္ သို႔မဟုတ္ ဝန္ေဆာင္မႈကို ခိုင္မာေသာေထာက္ပံ့မႈႏွင့္ အာမခံမႈ ျပဳျခင္း၊ (ဃ) အသုံးမျပဳနိုင္ေသာ သို႔မဟုတ္ မရရွိနိုင္ေသာကုန္စည္ သို႔မဟုတ္ ဝန္ေဆာင္မႈျဖစ္ျခင္း၊ (င) အျပစ္အနာအဆာ၊ ခၽြတ္ယြင္းခ်က္မ်ားကို ဖုံးကြယ္ထားသည့္ကုန္စည္ သို႔မဟုတ္ ဝန္ေဆာင္မႈ ျဖစ္ျခင္း၊ (စ) အျခားေသာကုန္စည္ သို႔မဟုတ္  ဝန္ေဆာင္မႈကို တိုက္ရိုက္ သို႔မဟုတ္ သြယ္ဝိုက္၍ ခ်ိဳးႏွိမ္ ေဖာ္ၿပ ျခင္း၊ (ဆ) သတင္းအခ်က္အလက္အျပည့္အစုံ ခိုင္မာမႈမရွိေသာ ခ်ဲ႕ကားေဖာ္ျပမႈမ်ားကို အသုံးျပဳျခင္း၊ (ဇ) မေသခ်ာမေရရာေသာ ကတိကဝတ္ျပဳမႈမ်ားျဖင့္ ကမ္းလွမ္း၍ ေရာင္းခ်ေသာ သို႔မဟုတ္ ေပးအပ္ ေသာကုန္စည္ သို႔မဟုတ္ ဝန္ေဆာင္မႈျဖစ္ျခင္း။ ၁၀။ စီးပြားေရးလုပ္ငန္းရွင္သည္ ေရာင္းဝယ္မႈျပဳလုပ္ရာတြင္ စားသုံးသူအား ေအာက္ပါအေျခအေနတစ္ ခုခုျဖင့္ လိမ္လည္လွည့္ျဖားမႈမျပဳရ- (က) ကုန္စည္ သို႔မဟုတ္ ဝန္ေဆာင္မႈသည္ သတ္မွတ္စံခ်ိန္စံညႊန္း၊ အရည္အေသြးတို႔ႏွင့္ ကိုက္ညီ သည္ဟု မမွန္မကန္ေဖာ္ျပျခင္း၊ (ခ) ကုန္စည္ သို႔မဟုတ္ ဝန္ေဆာင္မႈ၏ ခၽြတ္ယြင္းခ်က္ကို ဖုံးကြယ္ေဖာ္ျပျခင္း၊ (ဂ) ကမ္းလွမ္းထားေသာ ကုန္စည္မဟုတ္ဘဲ အျခားကုန္စည္ကို အစားထိုးေရာင္းခ်ျခင္း၊ (ဃ) ကုန္စည္ သို႔မဟုတ္ ဝန္ေဆာင္မႈအား အေရာင္းျမႇင့္တင္ေရာင္းခ်ျခင္းမျပဳလုပ္မီ ကုန္စည္ သို႔မဟုတ္ ဝန္ေဆာင္မႈ၏ေစ်းႏွုန္းမ်ားကို တိုးျမႇင့္ျခင္း၊ (င) ေနာက္ဆုံးသုံးစြဲရမည့္ရက္စြဲ ေက်ာ္လြန္ေနေသာ ကုန္စည္ကို ျပဳျပင္မြမ္းမံ၍ ေရာင္းခ်ျခင္း၊ ေရာေႏွာ ေရာင္းခ်ျခင္း၊ (စ) အမ်ိဳးအစားတူ အရည္အေသြးနိမ့္ကုန္စည္ကို ေရာေႏွာေရာင္းခ်ျခင္းႏွင့္ အမ်ိဳးအစားမတူ စားသုံး ရန္ မသင့္ေသာကုန္စည္ကို ေရာေႏွာ ေရာင္းခ်ျခင္း။ ၁၁။ စီးပြားေရးလုပ္ငန္းရွင္သည္ မူလက ကုန္စည္ သို႔မဟုတ္ ဝန္ေဆာင္မႈကို သတ္မွတ္ထားေသာကာလ အတြင္း ေရာင္းခ်ရန္ သို႔မဟုတ္ ကမ္းလွမ္းထားေသာ၊ အေရာင္းျမႇင့္တင္ထားေသာ၊ ေၾကညာထားေသာ ပမာဏ၊ အေရအတြက္အတိုင္း ေရာင္းခ်ရန္ အစီအစဥ္မရွိဘဲ ယင္းတို႔ကို အခ်ိန္ကာလတစ္ခုအတြင္း အထူးေစ်းႏွုန္းျဖင့္ ေရာင္းခ်ရန္ ကမ္းလွမ္းျခင္း၊ အေရာင္းျမႇင့္တင္ျခင္း ႏွင့္ ေၾကညာျခင္းတို႔ မျပဳရ။ ၁၂။ စီးပြားေရးလုပ္ငန္းရွင္သည္ အျခားကုန္စည္ကို ဆုေၾကးအေနျဖင့္ေပးရန္ သို႔မဟုတ္ အခမဲ့ဝန္ ေဆာင္မႈေပးရန္ ကတိျပဳထားေသာ္လည္း အမွန္တကယ္ေပးအပ္နိုင္ျခင္းမရွိပါက ကုန္စည္ သို႔မဟုတ္ ဝန္ေဆာင္မႈကို ေရာင္းခ်ရန္ ကမ္းလွမ္းျခင္း၊ အေရာင္းျမႇင့္တင္ျခင္း သို႔မဟုတ္ ေၾကညာျခင္း မျပဳရ။ ၁၃။ စီးပြားေရးလုပ္ငန္းရွင္သည္ စားသုံးသူ၏ ႐ုပ္ပိုင္းဆိုင္ရာကိုျဖစ္ေစ၊ စိတ္ပိုင္းဆိုင္ရာကိုျဖစ္ေစ အေႏွာက္အယွက္ျဖစ္ေစမည့္ နည္းလမ္းတစ္ခုခုျဖင့္ ကုန္စည္ သို႔မဟုတ္ ဝန္ေဆာင္မႈအား ေရာင္းခ်ရန္ကမ္းလွမ္းျခင္း သို႔မဟုတ္ ေၾကညာျခင္း မျပဳရ။ ၁၄။ စီးပြားေရးလုပ္ငန္းရွင္သည္  ေအာက္ပါေၾကာ္ျငာအမ်ိဳးအစားမ်ားကို ေၾကျငာျခင္းမျပဳလုပ္ရ- (က) ကုန္စည္၏ အရည္အေသြး၊ အေရအတြက္၊ ကုန္စည္တြင္ ပါဝင္ေသာပစၥည္းမ်ား၊ ကုန္စည္အား အသုံးျပဳပုံ၊ ကုန္စည္၏ေစ်းႏွုန္း၊ ဝန္ေဆာင္မႈႏွုန္းထားႏွင့္ ကုန္စည္ သို႔မဟုတ္ ဝန္ေဆာင္မႈကို ေပးအပ္ နိုင္သည့္အခ်ိန္တို႔ႏွင့္စပ္လ်ဥ္း၍ စားသုံးသူမ်ားအား လိမ္လည္ထားေသာေၾကာ္ ျငာမ်ား၊ (ခ) ကုန္စည္ သို႔မဟုတ္ ဝန္ေဆာင္မႈ၏ အာမခံေပးထားမႈအေပၚ လိမ္လည္ထားေသာေၾကာ္ျငာမ်ား၊ (ဂ) ကုန္စည္ သို႔မဟုတ္ ဝန္ေဆာင္မႈႏွင့္စပ္လ်ဥ္း၍ မဟုတ္မမွန္ေသာသတင္းအခ်က္အလက္မ်ားပါဝင္ သည့္ ေၾကာ္ျငာမ်ား၊ (ဃ) ကုန္စည္ သို႔မဟုတ္ ဝန္ေဆာင္မႈကို အသုံးျပဳျခင္းျဖင့္ အႏၲရာယ္ရွိမႈအား အသိေပးျခင္းမရွိေသာ ေၾကာ္ျငာမ်ား၊ (င) သက္ဆိုင္သူ၏ ခြင့္ျပဳခ်က္မရရွိဘဲ တစ္စုံတစ္ဦး သို႔မဟုတ္ အျဖစ္အပ်က္တစ္ခုအေပၚ အသုံးျပဳ ထားေသာ ေၾကာ္ျငာမ်ား၊ (စ) ဥပေဒျပ႒ာန္းခ်က္မ်ား၊ လူမႈက်င့္ဝတ္မ်ားကို ေဖာက္ဖ်က္သည့္ ေၾကာ္ျငာမ်ား။ ၁၅။ စီးပြားေရးလုပ္ငန္းရွင္ သို႔မဟုတ္ ေၾကာ္ျငာလုပ္ငန္းေဆာင္ရြက္သူတို႔သည္ မိမိတို႔ေၾကာ္ျငာ၏ အက်ိဳးဆက္မ်ားကို တာဝန္ယူရမည္။   စားသုံးသူအကာအကြယ္ေပးေရး ဥပေဒ ပုဒ္မ ၂၃ ႏွင့္ ၂၄ တို႔တြင္ ျပစ္မႈႏွင့္ျပစ္ဒဏ္မ်ားကို ျပဌာန္းထားပါသည္။ ၂၃။ မည္သည့္စီးပြားေရးလုပ္ငန္းရွင္မဆို ပုဒ္မ ၉၊ ပုဒ္မ ၁၀၊ ပုဒ္မ ၁၁၊ ပုဒ္မ ၁၂၊ ပုဒ္မ ၁၃ သို႔မဟုတ္ ပုဒ္မ ၁၄ ပါ ျပ႒ာန္းခ်က္တစ္ရပ္ရပ္ကို ေဖာက္ဖ်က္က်ဴးလြန္ေၾကာင္း ျပစ္မႈထင္ရွားစီရင္ျခင္းခံရလၽွင္ သုံးႏွစ္ထက္မပိုေသာ ေထာင္ဒဏ္ျဖစ္ေစ၊ က်ပ္သိန္းငါးဆယ္ထက္မပိုေသာ ေငြဒဏ္ျဖစ္ေစ၊ ဒဏ္ႏွစ္ရပ္ လုံးျဖစ္ေစ ခ်မွတ္ျခင္းခံရမည္။ ၂၄။ ပုဒ္မ ၂၃ အရ ျပစ္ဒဏ္က်ခံေစရကာမူ စားသုံးသူသည္ မိမိ၏နစ္နာမႈအတြက္ တရားမေၾကာင္း အရလည္း တရားစြဲဆိုနိုင္သည္။   စားသုံးသူအကာအကြယ္ေပးေရးကိစၥရပ္မ်ားတြင္ ပိုမိုထိေရာက္စြာ ေဆာင္ရြက္ႏိုင္ရန္အတြက္  စီးပြားေရးႏွင့္ကူးသန္းေရာင္းဝယ္ေရး ဝန္ႀကီးဌာနက စားသုံးသူကာကြယ္ေပးေရးဥပေဒကို အသစ္ျပန္လည္ေရးဆြဲခဲ့ၿပီး စားသုံးသူကာကြယ္ေပးေရးဥပေဒမူၾကမ္းကို ၂၀၁၇၊ ေအာက္တိုဘာလ ၂၇ ရက္ေန႔ထုတ္ ျမန္မာ့အလင္း သတင္းစာႏွင့္ ေၾကးမုံ သတင္းစာတို႔တြင္ ေဖာ္ျပခဲ့ပါသည္။  မၾကာမီတြင္ စားသုံးသူကာကြယ္ေပးေရးဥပေဒ အသစ္ ထြက္ေပၚလာမည္ျဖစ္ပါသည္။
လယ္ယာေျမ လုပ္ပိုင္ခြင့္

လယ္ယာေျမ လုပ္ပိုင္ခြင့္

လယ္ယာေျမ ဥပေဒကို ၂၀၁၂ ခုႏွစ္၊ ျပည္ေထာင္စုလႊတ္ေတာ္ဥပေဒအမွတ္ ၁၁ ျဖင့္ ျပဌာန္းခဲ့ပါသည္။
၂၀၁၂ ခုႏွစ္ ၾသဂုတ္ ၃၁ ရက္ (၁၃၇၄ ခုႏွစ္၊ ဝါေခါင္လဆန္း၁၄ ရက္) တြင္ လယ္ယာေျမဥပေဒ ပုဒ္မ ၂ အရ စတင္အာဏာတည္သည္ဟု သတ္မွတ္လိုက္ေၾကာင္း ေၾကညာခဲ့ပါသည္။

လယ္ယာေျမ ဥပေဒ ပုဒ္မ ၃ (က) တြင္
လယ္ယာေျမ ဆိုသည္မွာ လယ္ေျမ၊ ယာေျမ၊ ကိုင္းကၽြန္းေျမ၊ ေတာင္ယာေျမ၊ ႏွစ္ရွည္ပင္စိုက္ပ်ိဳးေသာေျမ၊ ဓနိေျမ၊ ဥယ်ာဥ္ေျမဟုေသာ္လည္းေကာင္း၊ ဟင္းသီးဟင္းရြက္၊ ပန္းမန္စိုက္ပ်ိဳးသည့္ၿခံေျမဟုေသာ္လည္းေကာင္း၊ ေျမႏုကၽြန္းေျမဟုေသာ္လည္းေကာင္း သတ္မွတ္သည့္ေျမမ်ားကို ဆိုသည္။ ယင္းစကားရပ္တြင္ ၿမိဳ႕နယ္နိမိတ္၊ ေက်းရြာနယ္နိမိတ္အတြင္းရွိ လူေနအိမ္ရာမ်ား၊ ဘာသာေရးအေဆာက္အအုံႏွင့္ ပရဝဏ္မ်ား၊ အမ်ားပိုင္ဆိုင္၍ စိုက္ပ်ိဳးေရးအတြက္ အသုံးမျပဳေသာ ေျမမ်ားမပါဝင္ ဟုျပဌာန္းထားပါသည္။

လယ္ယာေျမ ဥပေဒ ပုဒ္မ ၃ (ခ) တြင္
လယ္ေျမဆိုသည္မွာ သဘာဝအရေသာ္လည္းေကာင္း၊ လူတို႔ဖန္တီးေသာ နည္းလမ္းအရ ေသာ္လည္းေကာင္း စိုက္ပ်ိဳးေရးရယူၿပီး ေရထိန္းသိမ္းနိုင္ေစရန္ ေဆာင္ရြက္ထားသည့္ စပါးသီးႏွံ အဓိက စိုက္ပ်ိဳးေသာ ေျမကိုဆိုသည္။
လယ္ယာေျမဥပေဒ ပုဒ္မ ၃ (ဂ) တြင္
ေျမႏုကၽြန္းေျမဆိုသည္မွာ ေရေအာက္သို႔နစ္ျမဳပ္ခဲ့ၿပီး ႏွစ္စဥ္ေရေၾကာင္းအေနအထားအရ ေျမသားႏွင့္ပုံသဏၭာန္ ေျပာင္းလဲသည့္ ခိုင္ျမဲမႈမရွိေသာ ေျမကိုဆိုသည္ ဟုျပဌာန္းထားပါသည္။

၂၀၁၂ ခုႏွစ္၊ လယ္ယာေျမ ဥပေဒအာဏာတည္ၿပီးေနာက္ လယ္ယာေျမကို လက္ဝယ္ထားရွိ စိုက္ပ်ိဳးလုပ္ကိုင္အသုံးခ် ခြင့္ရလိုသူသည္ လယ္ယာေျမဥပေဒအရထုတ္ျပန္သည့္ နည္းဥပေဒ၊ စည္းမ်ဥ္း၊ စည္းကမ္းမ်ားႏွင့္အညီ လယ္ယာေျမလုပ္ပိုင္ခြင့္ ေလၽွာက္ထားရမည္ျဖစ္ပါသည္။ လယ္ယာေျမနည္းဥပေဒ ၃ အရ

ေအာက္ပါအခ်က္တစ္ရပ္ရပ္တြင္အက်ံဴးဝင္သည့္ အသက္ ၁၈ ႏွစ္ျပည့္ၿပီးေသာ ႏိုင္ငံသားသည္ လယ္ယာေျမလုပ္ပိုင္ခြင့္ရရွိရန္ လယ္ယာေျမလုပ္ပိုင္ခြင့္ ေလွ်ာက္လႊာ (ပံုစံ-၁) ကို သက္ဆိုင္ရာ ရပ္ကြက္ သို႔မဟုတ္ ေက်းရြာအုပ္စုအုပ္ခ်ဳပ္ေရးမွဴး႐ံုးတြင္ အခမဲ့ရယူ၍ ျပည့္စံုစြာျဖည့္စြက္ၿပီး ရပ္ကြက္ သို႔မဟုတ္ ေက်းရြာအုပ္စု လယ္ယာေျမစီမံခန္႔ခြဲမႈ အဖြဲ႕မွတစ္ဆင့္ ၿမိဳ႕နယ္ဦးစီးဌာန႐ံုးသို႔ ေလွ်ာက္ထား ရမည္-
(က) လယ္ယာေျမကိုလက္ရွိအသံုးျပဳခြင့္ရရွိထားေသာ ေတာင္သူလယ္သမား အိမ္ေထာင္သားစု သို႔မဟုတ္ အိမ္ေထာင္သားစုဝင္ျဖစ္ျခင္း၊
(ခ) လယ္ယာေျမကိုလက္ရွိအသံုးျပဳခြင့္ရရွိထားေသာ အိမ္ေထာင္သားစုအႀကီးအကဲ သို႔မဟုတ္ အိမ္ေထာင္သားစုတြင္ ပါဝင္သူတစ္ဦး သို႔မဟုတ္အုပ္ထိန္းသူျဖစ္ျခင္း၊
(ဂ) တစ္လံုးတစ္စည္းတည္းျဖစ္၍ ပစၥည္းမခြဲေဝရေသးေသာ ေတာင္သူလယ္သမား အိမ္ေထာင္ မိသားစုတြင္ပါဝင္သူတစ္ဦးဦး၏ အမည္ျဖင့္ထားရွိေသာ လယ္ယာေျမအားလံုးကို ထိုအိမ္ေထာင္သားစုတြင္ ပါဝင္သူအားလံုးက ပူးတြဲလက္ရွိ အသံုးျပဳခြင့္ရရွိထားပါက ယင္းအက်ိဳးတူခံစားခြင့္ရွိေသာ ေတာင္သူလယ္သမား အိမ္ေထာင္သားစုျဖစ္ျခင္း၊
(ဃ) လယ္ယာေျမဥပေဒ အာဏာမတည္မီလယ္ယာေျမ ႏွင့္သက္ဆိုင္ေသာ တည္ဆဲဥပေဒႏွင့္အညီ တရားဝင္လက္ရွိ လက္ငုတ္လုပ္ကိုင္ေနသူျဖစ္ျခင္း၊
(င) လယ္ယာေျမဥပေဒ ျပ႒ာန္းၿပီးေနာက္ယင္းဥပေဒႏွင့္အညီျဖစ္ေစ၊ ယင္းဥပေဒအရျပဳသည့္ နည္းဥပေဒမ်ားႏွင့္အညီျဖစ္ေစ တရားဝင္အက်ိဳးခံစားခြင့္ရွိသူျဖစ္ျခင္း၊
(စ) ေလွ်ာက္ထားသည့္လယ္ယာေျမတြင္ အမွန္တကယ္လုပ္ကိုင္ေနသူျဖစ္ေၾကာင္း ရပ္ကြက္ သို႔မဟုတ္ ေက်းရြာအုပ္စု အုပ္ခ်ဳပ္ေရးမွဴးႏွင့္ လယ္နီးခ်င္းသက္ေသႏွစ္ဦးတို႔က ေထာက္ခံသူျဖစ္ျခင္း၊
(ဆ) ဦးစီးဌာန၏မွတ္တမ္းမ်ားအရ လယ္ယာေျမကိုအသံုးျပဳခြင့္ရရွိထားသူျဖစ္ေၾကာင္းအတည္ျပဳ ခံရသူျဖစ္ျခင္း၊
(ဇ) လယ္ယာေျမကိုအသံုးျပဳခြင့္ရရွိႏိုင္ရန္ အေထာက္အထား တင္ျပႏိုင္သူျဖစ္ျခင္း၊

လယ္ယာေျမလုပ္ပိုင္ခြင့္ႏွင့္စပ္လ်ဥ္း၍ ယင္းဥပေဒပုဒ္မ ၃ (ဃ) တြင္ အဓိပၸာယ္ဖြင့္ဆိုထားရာ၌ လယ္ယာေျမလုပ္ပိုင္ခြင့္ဆိုသည္မွာ နိုင္ငံေတာ္သည္ ေျမယာအားလုံး၏ ပင္ရင္းပိုင္ရွင္ျဖစ္၍ လယ္ယာေျမကို စိုက္ပ်ိဳးထုတ္လုပ္မႈ တိုးတက္ျမင့္မားလာေစရန္အလို႔ငွာ ဤဥပေဒ၊ ဤဥပေဒအရထုတ္ျပန္သည့္ နည္းဥပေဒ စည္းမ်ဥ္း စည္းကမ္းမ်ားႏွင့္အညီ လက္ဝယ္ထားရွိ စိုက္ပ်ိဳးလုပ္ကိုင္ အသုံးခ်ခြင့္ျပဳျခင္းကို ဆိုလိုသည္ ဟု ေဖာ္ျပထားပါသည္။

လယ္ယာေျမလုပ္ပိုင္ခြင့္ေလၽွာက္ထားလႊာအေပၚ ၿမိဳ႕နယ္ဦးစီးဌာန႐ုံးသည္ လယ္ယာေျမလုပ္ပိုင္ခြင့္ လုပ္ငန္းစာတြဲ ဖြင့္လွစ္၍ ၁၅ ရက္အတြင္း ကန္႔ကြက္ရန္ ရွိ မရွိ လယ္ယာေျမနည္းဥပေဒ ၆ အရ ေၾကာ္ျငာရမည္ျဖစ္ၿပီး ကန္႔ကြက္ခ်က္ရွိပါက ၇ ရက္အတြင္း စုံ စမ္းစစ္ေဆးတင္ျပေစရန္ သက္ဆိုင္ရာ ရပ္ကြက္၊ ေက်းရြာအုပ္စု လယ္ယာေျမ စီမံခန္႔ခြဲမႈအဖြဲ႕ထံ နည္း ဥပေဒ ၉ အရ အေၾကာင္းၾကားရမည္ျဖစ္သည္။ ရပ္ကြက္ သို႔မဟုတ္ ေက်းရြာအုပ္စု လယ္ယာေျမစီမံခန္႔ခြဲ မႈအဖြဲ႕၏ စုံစမ္းစစ္ေဆးေတြ႕ရွိခ်က္အေပၚ ၿမိဳ႕နယ္ဦးစီးဌာန႐ုံးသည္ ၿမိဳ႕နယ္ လယ္ယာေျမစီမံခန္႔ခြဲမႈအဖြဲ႕ သို႔လည္းေကာင္း၊ ၿမိဳ႕နယ္လယ္ယာေျမစီမံခန္႔ခြဲမႈအဖြဲ႕သည္ ခရိုင္လယ္ယာေျမစီမံခန္႔ခြဲမႈအဖြဲ႕သို႔လည္းေကာင္း၊ သေဘာထားမွတ္ခ်က္အဆင့္ဆင့္တင္ျပၿပီး ခရိုင္လယ္ယာေျမစီမံခန္႔ခြဲမႈအဖြဲ႕၏ ခြင့္ျပဳေၾကာင္း အေၾကာင္းၾကားခ်က္အရ ၿမိဳ႕နယ္ဦးစီးဌာန႐ုံးတြင္ မွတ္ပုံတင္ေၾကးေပးသြင္းေစ၍ ၿမိဳ႕နယ္လယ္ယာေျမစီမံခန္႔ခြဲမႈအဖြဲ႕က လယ္ယာေျမလုပ္ပိုင္ခြင့္ရရွိသူအား လယ္ယာေျမလုပ္ပိုင္ခြင့္ျပဳလက္မွတ္ (ပုံစံ ၇) ထုတ္ေပးရမည္ျဖစ္ေၾကာင္း လယ္ယာေျမနည္းဥပေဒ ၉ မွ ၁၄ တို႔တြင္ ေဖာ္ျပထားပါသည္။

လယ္ယာေျမ လုပ္ပိုင္ခြင့္ျပဳလက္မွတ္ကို လယ္ယာေျမဥပေဒပုဒ္မ ၆ အရ ၿမိဳ႕နယ္လယ္ယာေျမစီမံခန္႔ခြဲမႈအဖြဲ႕က သက္ဆိုင္ရာ ခရိုင္ လယ္ယာေျမစီမံခန္႔ခြဲမႈအဖြဲ႕၏ သေဘာတူညီခ်က္ျဖင့္ ၿမိဳ႕နယ္ဦးစီးဌာန႐ုံးတြင္ သတ္မွတ္ခ်က္မ်ားႏွင့္အညီ မွတ္ပုံတင္ေၾကးေပးေဆာင္ေစ၍ မွတ္ပုံတင္ၿပီးမွ ထုတ္ေပးရမည္ျဖစ္သည္။ လယ္ယာေျမစီမံခန္႔ခြဲမႈအဖြဲ႕ကသာ လယ္ယာေျမလုပ္ပိုင္ခြင့္လက္မွတ္ ထုတ္ေပးပိုင္ခြင့္ရွိမည္ျဖစ္သည္။

လယ္ယာေျမဥပေဒပုဒ္မ ၉ တြင္
လယ္ယာေျမလုပ္ပိုင္ခြင့္ရရွိသူသည္ ေအာက္ပါအခြင့္အေရးမ်ားကို ရရွိေစရမည္-
(က) လယ္ယာေျမကို လက္ရွိထားပိုင္ခြင့္ ၊ လယ္ယာေျမလုပ္ပိုင္ခြင့္၊ ယင္းသို႔ လုပ္ပိုင္ခြင့္မွ ေပၚထြက္လာသည့္ အက်ိဳးအျမတ္ကို ခံစားပိုင္ခြင့္၊
(ခ) လယ္ယာေျမကို အားလုံးျဖစ္ေစ၊ တစ္စိတ္တစ္ပိုင္းျဖစ္ေစ၊ လုပ္ပိုင္ခြင့္အား သတ္မွတ္ထားေသာ စည္းကမ္းခ်က္မ်ားႏွင့္အညီ ေရာင္းခ်ခြင့္၊ ေပါင္ႏွံခြင့္၊ ငွားရမ္းခြင့္၊ လဲလွယ္ခြင့္ႏွင့္ ေပးကမ္းခြင့္၊
(ဂ) လယ္ယာေျမလုပ္ပိုင္ခြင့္ကို အေမြဆက္ခံျခင္းႏွင့္ စပ္လ်ဥ္း၍ အျငင္းပြားမႈ ေပၚေပါက္လာပါက တည္ဆဲ ဥပေဒႏွင့္အညီ သက္ဆိုင္ရာ တရား႐ုံး၏ အဆုံးအျဖတ္ခံယူနိုင္ခြင့္၊
(ဃ) သတ္မွတ္သည့္ စည္းကမ္းခ်က္မ်ားကို ေဖာက္ဖ်က္ျခင္းမရွိသေရြ႕လယ္ယာေျမလုပ္ပိုင္ခြင့္၊
(င) လယ္ယာေျမတြင္ စိုက္ပ်ိဳးေရးလုပ္ငန္း ဖြံ့ၿဖိဳးတိုးတက္ေရးအတြက္ ေက်းလက္သမဝါယမအသင္း၏ ရင္းႏွီးျမႇုပ္ႏွံမႈႏွင့္ လည္းေကာင္း၊ ပုဂၢလိက ရင္းႏွီးျမႇုပ္ႏွံသူမ်ားႏွင့္လည္းေကာင္း အက်ိဳးတူ လုပ္ကိုင္ခြင့္၊
(စ) လယ္ယာေျမတြင္ နိုင္ငံျခားသား သို႔မဟုတ္ နိုင္ငံျခားသားပါဝင္ေသာအဖြဲ႕အစည္းႏွင့္ ပူးေပါင္း၍ ျပည္ေထာင္စုသမၼတ ျမန္မာနိုင္ငံေတာ္နိုင္ငံျခားရင္းႏွီးျမႇုပ္ႏွံမႈဥပေဒႏွင့္အညီ အက်ိဳးတူလုပ္ကိုင္ခြင့္။

လယ္ယာေျမဥပေဒပုဒ္မ ၁၂ တြင္
လယ္ယာေျမလုပ္ပိုင္ခြင့္ ရရွိသူသည္-
(က) ဤဥပေဒတြင္ ျပ႒ာန္းထားသည့္အတိုင္း လယ္ယာေျမကို လုပ္ကိုင္ရမည္။
(ခ) လယ္ယာေျမႏွင့္စပ္လ်ဥ္း၍ ဝန္ႀကီးဌာနက စည္းၾကပ္ေသာေျမခြန္ႏွင့္အျခား အခြန္အခမ်ားကို ေပးေဆာင္ရမည္။
(ဂ) လယ္ယာေျမလုပ္ပိုင္ခြင့္ကို ေရာင္းခ်ျခင္း၊ ေပါင္ႏွံျခင္း၊ ငွားရမ္းျခင္း၊ လဲလွယ္ျခင္းႏွင့္ ေပးကမ္းျခင္းတို႔ကို ေဆာင္ရြက္သည့္အခါ ဦးစီးဌာနကသတ္မွတ္သည့္ တံဆိပ္ေခါင္းခြန္ႏွင့္ စာခ်ဳပ္ စာတမ္းမွတ္ပုံတင္ခတို႔ကို ေပးေဆာင္၍ သက္ဆိုင္ရာ ၿမိဳ႕နယ္ဦးစီးဌာန႐ုံး တြင္ မွတ္ပုံတင္ရမည္။
(ဃ) တည္ဆဲဥပေဒႏွင့္အညီ အေမြဆက္ခံျခင္းျဖင့္ လယ္ယာေျမလုပ္ပိုင္ခြင့္ကို ရရွိသည့္အခါ သတ္မွတ္ခ်က္မ်ားႏွင့္အညီ သက္ဆိုင္ရာၿမိဳ႕နယ္ ဦးစီးဌာန႐ုံးတြင္ မွတ္ပုံတင္ရမည္။
(င) စိုက္ပ်ိဳးထုတ္လုပ္မႈ အရင္းအႏွီးအတြက္သာ လယ္ယာေျမလုပ္ပိုင္ခြင့္ကိုေပါင္ႏွံခြင့္ရွိၿပီး အစိုးရဘဏ္ သို႔မဟုတ္ အစိုးရက အသိအမွတ္ျပဳေသာဘဏ္တြင္သာ ေပါင္ႏွံရမည္။
(စ) သက္ဆိုင္ရာလယ္ယာေျမစီမံခန႔္ခြဲမႈအဖြဲ႕က တရားဝင္ခ်ထားျခင္းမရွိဘဲ က်ဴးေက်ာ္လုပ္ကိုင္ျခင္း မျပဳရ။
(ဆ) လယ္ယာေျမကို ခြင့္ျပဳမိန႔္မရရွိဘဲ အျခားနည္းသုံးစြဲျခင္းမျပဳရ။
(ဇ) လယ္ယာေျမကို မူလစိုက္ပ်ိဳးလ်က္ရွိေသာ သီးႏွံအမ်ိဳးအစားမွ အျခားသီးႏွံအမ်ိဳးအစားသို႔ ခြင့္ျပဳခ်က္မရွိဘဲ ေျပာင္းလဲ စိုက္ပ်ိဳးျခင္းမျပဳရ။
(ဈ) ခိုင္လုံေသာအေၾကာင္းျပခ်က္မရွိဘဲ လယ္ယာေျမကို လွပ္ထားျခင္းမျပဳရ။
(ည) လယ္ယာေျမလုပ္ပိုင္ခြင့္မရမီကာလအတြင္း သို႔မဟုတ္ လယ္ယာေျမလုပ္ပိုင္ခြင့္ႏွင့္ စပ္လ်ဥ္း၍ အျငင္းပြားမႈ ျဖစ္ေပၚေနေသာ ကာလအတြင္းလယ္ယာေျမကို ေရာင္းခ်ျခင္း၊ ေပါင္ႏွံျခင္း၊ ငွားရမ္းျခင္း၊ လဲလွယ္ျခင္း သို႔မဟုတ္ ေပးကမ္းျခင္းမျပဳရ။

လယ္ယာေျမဥပေဒပုဒ္မ ၁၉ တြင္
ဤဥပေဒ ပုဒ္မ ၁၂ ပါ စည္းကမ္းခ်က္အားလုံးကိုျဖစ္ေစ၊ စည္းကမ္းခ်က္တစ္ခုခုကိုျဖစ္ေစ လိုက္နာရန္ ပ်က္ကြက္လၽွင္ ဝန္ႀကီးဌာနက ဤကိစၥအလို႔ငွာ ခန႔္အပ္သည့္ လယ္ယာေျမစီမံခန႔္ခြဲမႈအဖြဲ႕သည္ ဤဥပေဒႏွင့္ ဤဥပေဒအရ ထုတ္ျပန္ေသာ နည္းဥပေဒမ်ားႏွင့္အညီ စုံစမ္း စစ္ေဆးၿပီးေနာက္ ေအာက္ေဖာ္ျပပါ အမိန႔္တစ္ရပ္ကို ျဖစ္ေစ၊ တစ္ရပ္ထက္ပို၍ျဖစ္ေစခ်မွတ္နိုင္သည္-
(က) သတ္မွတ္သည့္ဒဏ္ေၾကးေငြ ေပးေဆာင္ေစျခင္း၊
(ခ) သတ္မွတ္သည့္နည္းလမ္းအတိုင္း လယ္ယာေျမကို ေဆာင္ရြက္ေစျခင္း၊
(ဂ) လယ္ယာေျမေပၚမွ ႏွင္ထုတ္ထိုက္သူမ်ားကို ႏွင္ထုတ္ျခင္း၊
(ဃ) လယ္ယာေျမေပၚတြင္ ခြင့္ျပဳခ်က္မရွိဘဲ ေဆာက္လုပ္ထားေသာအေဆာက္အအုံမ်ားကို ဖယ္ရွားျခင္း။

၂၀။ ပုဒ္မ ၁၉ ပါ လယ္ယာေျမစီမံခန႔္ခြဲမႈအဖြဲ႕သည္ ယင္းပုဒ္မအရ ခ်မွတ္ေသာအမိန္႔ကို လယ္ယာေျမလုပ္ပိုင္ခြင့္ ရရွိသူက လိုက္နာျခင္းမရွိလၽွင္ ယင္းအမိန္႔ပါ သတ္မွတ္ရက္ေက်ာ္လြန္ပါက သက္ဆိုင္ရာ တရား႐ုံးသို႔ ဦးတိုက္ေလၽွာက္ထား တရားစြဲဆို နိုင္သည္။

၂၁။ လယ္ယာေျမလုပ္ပိုင္ခြင့္ရရွိသူသည္ ဝန္ႀကီးဌာနက စည္းၾကပ္ေကာက္ခံသည့္အခြန္အခမ်ားကို ေပးေဆာင္ရန္ပ်က္ကြက္လၽွင္ တည္ဆဲဥပေဒမ်ားႏွင့္အညီ ထိုအခြန္အခမ်ားကို ေျမခြန္မေၿပ က်န္ေငြျဖစ္ဘိသကဲ့သို႔ ေကာက္ခံျခင္းခံရမည္။

လယ္ယာေျမဥပေဒ ပုဒ္မ ၁၄ တြင္ လယ္ယာေျမလုပ္ပိုင္ခြင့္ရရွိသူသည္ လယ္ယာေျမလုပ္ပိုင္ခြင့္အားလုံးကိုျဖစ္ေစ၊ တစ္စိတ္တစ္ပိုင္း ကို ျဖစ္ေစနိုင္ငံေတာ္အစိုးရ၏ ခြင့္ျပဳခ်က္မရရွိဘဲ မည္သည့္နိုင္ငံျခားသား သို႔မဟုတ္ နိုင္ငံျခားသား ပါဝင္သည့္ အဖြဲ႕အစည္းကိုမၽွ ေရာင္းခ်ျခင္း၊ ေပါင္ႏွံျခင္း၊ ငွားရမ္းျခင္း၊ လဲလွယ္ျခင္း သို႔မဟုတ္ ေပးကမ္းျခင္းမျပဳရဟု ျပဌာန္းထားၿပီး ပုဒ္မ ၃၇ တြင္ မည္သည့္လယ္ယာေျမလုပ္ပိုင္ခြင့္ရရွိသူမဆို ပုဒ္မ ၁၄ ပါ တားျမစ္ခ်က္ကို ေဖာက္ဖ်က္ က်ဴးလြန္ေၾကာင္း ျပစ္မႈထင္ရွားစီရင္ျခင္းခံရလၽွင္ ထိုသူကို အနည္းဆုံး တစ္ႏွစ္မွ အမ်ားဆုံး သုံးႏွစ္အထိ ေထာင္ဒဏ္ခ်မွတ္ရမည့္ အျပင္ က်ပ္ ဆယ္သိန္းေအာက္ မနည္းသည့္ ေငြဒဏ္ ကိုလည္းခ်မွတ္ရမည္။ ထို႔ျပင္ ျပစ္မႈႏွင့္သက္ဆိုင္ေသာ ေငြႏွင့္ပစၥည္းမ်ားကို ျပည္သူ႔ဘ႑ာအျဖစ္ သိမ္းဆည္း ရမည္ ဟု ျပဌာန္းထားပါသည္။

လယ္ယာေျမလုပ္ပိုင္ခြင့္အျငင္းပြားမႈဆိုသည္မွာ လယ္ယာေျမဥပေဒပုဒ္မ ၄၊ ၅၊ ၆ ႏွင့္ ၇ အရ ၿမိဳ႕နယ္ဦးစီးဌာန႐ုံးတြင္ သတ္မွတ္ခ်က္မ်ားႏွင့္အညီ မွတ္ပုံတင္ၿပီး လယ္ယာေျမလုပ္ ပိုင္ခြင့္ျပဳလက္မွတ္ ထုတ္ေပးၿပီးေနာက္တြင္ ေပၚေပါက္လာသည့္ အျငင္းပြားမႈ အရွုပ္အရွင္းကိုေခၚသည္။
လယ္ယာေျမလုပ္ပိုင္ခြင့္ကိစၥ အျငင္းပြားမႈအေပၚ ေျဖရွင္းျခင္း၊ အယူခံျခင္းႏွင့္စပ္လ်ဥ္း၍ ရပ္ကြက္ႏွင့္ ေက်းရြာအုပ္စုလယ္ယာေျမစီမံခန္႔ခြဲမႈအဖြဲ႕က မူလမႈခင္းဖြင့္လွစ္၍ စုံစမ္းစစ္ေဆးျခင္း၊ ၾကားနာျခင္းႏွင့္ ဆုံးျဖတ္ျခင္းတို႔ကို ျပဳလုပ္ေဆာင္ရြက္ရမည္ျဖစ္ေၾကာင္း၊ ရပ္ကြက္ႏွင့္ ေက်းရြာအုပ္စု လယ္ ယာေျမစီမံခန္႔ခြဲမႈအဖြဲ႕၏ ဆုံးျဖတ္ခ်က္ကို ခ်မွတ္သည့္ေန႔မွ ရက္ ၃၀ အတြင္း ၿမိဳ႕နယ္လယ္ယာေျမစီမံ ခန္႔ခြဲမႈအဖြဲ႕သို႔လည္းေကာင္း၊ ၿမိဳ႕နယ္လယ္ယာေျမစီမံခန္႔ခြဲမႈအဖြဲ႕၏ ဆုံးျဖတ္ခ်က္အေပၚ ရက္ ၃၀ အတြင္း ခရိုင္လယ္ယာေျမစီမံခန္႔ခြဲမႈအဖြဲ႕သို႔လည္းေကာင္း ခရိုင္လယ္ယာေျမစီမံခန္႔ခြဲမႈအဖြဲ႕၏ ဆုံးျဖတ္ ခ်က္အေပၚ ရက္ ၆၀ အတြင္း တိုင္းေဒသႀကီးလယ္ယာေျမစီမံခန္႔ခြဲမႈအဖြဲ႕သို႔လည္းေကာင္း သတ္မွတ္ခ်က္မ်ားႏွင့္အညီ အယူခံနိုင္ေၾကာင္း တိုင္းေဒသႀကီးလယ္ယာေျမစီမံခန္႔ခြဲမႈအဖြဲ႕၏ ဆုံးျဖတ္ခ်က္သည္ အၿပီးအျပတ္ ျဖစ္ေစရမည္ျဖစ္ေၾကာင္း လယ္ယာေျမဥပေဒ အခန္း (၈) ႏွင့္ လယ္ယာေျမနည္းဥပေဒ မ်ား အခန္း (၇) တို႔တြင္ ျပ႒ာန္းေဖာ္ျပထားပါသည္။

လယ္ယာေျမဥပေဒ၊ နည္းဥပေဒမ်ားအရ ရပ္ကြက္ႏွင့္ ေက်းရြာအုပ္စု လယ္ယာေျမစီမံခန္႔ခြဲမႈအဖြဲ႕ သည္ လယ္ယာေျမလုပ္ပိုင္ခြင့္အျငင္းပြားမႈမ်ားအေပၚ မူလမႈခင္းဖြင့္လွစ္၍ စစ္ေဆးၾကားနာဆုံးျဖတ္ခြင့္ ရွိေသာ္လည္း ထိုသို႔စစ္ေဆးၾကားနာဆုံးျဖတ္နိုင္ရန္အတြက္ လယ္ယာေျမဥပေဒပုဒ္မ ၁၃ အရ ၿမိဳ႕နယ္ ဦးစီးဌာန႐ုံးတြင္ သတ္မွတ္ခ်က္မ်ားႏွင့္အညီ မွတ္ပုံတင္ထားရွိရန္ လိုအပ္မည္ျဖစ္သည္။

လယ္ယာေျမဥပေဒပုဒ္မ ၉ (ဂ) ျပ႒ာန္းခ်က္အရ အေမြဆက္ခံျခင္းႏွင့္စပ္လ်ဥ္း၍ အျငင္းပြားမႈကို ဥပေဒႏွင့္အညီ တရား႐ုံး၏ အဆုံးအျဖတ္ခံယူနိင္သည့္ အခြင့္အေရးသည္ ယင္းဥပေဒ ပုဒ္မ ၉ အရ လယ္ယာေျမလုပ္ပိုင္ခြင့္ရရွိထားၿပီး သူမ်ားသာ ရရွိေသာ အခြင့္အေရးျဖစ္သည္။ အဆိုပါ ျပ႒ာန္းခ်က္အရ တရား႐ုံးမ်ားသည္ လယ္ယာေျမလုပ္ပိုင္ခြင့္ကို အေမြဆက္ခံျခင္းႏွင့္စပ္လ်ဥ္းသည့္ အျငင္းပြားမႈကိုသာ ဆုံးျဖတ္နိုင္ၿပီး လယ္ယာေျမလုပ္ပိုင္ခြင့္ကို တရား႐ုံးမ်ားက အဆုံးအျဖတ္ မေပးနိုင္ေပ။ လယ္ယာေျမလုပ္ပိုင္ခြင့္ရၿပီးမွ အေမြဆက္ခံခြင့္ အျငင္းပြားမႈကိုသာ တရား႐ုံးက အဆုံးအျဖတ္ေပးနိုင္မည္ျဖစ္ပါသည္။

လယ္ယာေျမ ဥပေဒကို ျပင္ဆင္သည့္ ဥပေဒၾကမ္းကုိ ၂၀၁၇၊ ဇြန္လ ၁၅ ရက္ေန႔ထုတ္ ျမန္မာ့အလင္း သတင္းစာႏွင့္ ေၾကးမုံသတင္းစာတို႔တြင္ ေဖာ္ျပခဲ့ၿပီး ေဆြးေႏြးလ်က္ရွိကာ မၾကာခင္တြင္ လယ္ယာေျမ ဥပေဒကို ျပင္ဆင္သည့္ ဥပေဒ ထြက္ေပၚလာမည္ျဖစ္ပါသည္။

 

 

ကိုးကားခ်က္မ်ား
၁။ လယ္ယာေျမဥပေဒ
၂။ လယ္ယာေျမနည္းဥပေဒမ်ား
၃။ ေဒၚခင္ေဆြျမင့္ ႏွင့္ ဦးဝင္းေရႊ (ခ) ဦးဝင္းေဆြ ပါ ၃
၂၀၁၅ ခုႏွစ္၊ ျမန္မာႏိုင္ငံတရားစီရင္ထံုး၊ စာ ၁၇
၄။ ေဒၚခင္စန္းလြင္ႏွင့္ ဥကၠဌ ျပည္နယ္လယ္ယာေျမစီမံခန္႔ခြဲမႈအဖြဲ႕ မြန္ျပည္နယ္ပါ ၄
၂၀၁၆ ခုႏွစ္၊ ျမန္မာႏိုင္ငံတရားစီရင္ထံုး၊ စာ ၅၅
၅။ ဦးၾကည္ရွင္ ႏွင့္ ဥကၠ႒ တိုင္းေဒသႀကီးလယ္ယာေျမစီမံခန္႔ခြဲမႈအဖြဲ႕ တနသၤာရီတိုင္းေဒသႀကီး ပါ ၂
၂၀၁၆ ခုႏွစ္၊ ျမန္မာႏိုင္ငံတရားစီရင္ထံုး၊ စာ ၁၇

လူ႔အခြင့္အေရး (Human Rights)

လူ႔အခြင့္အေရး (Human Rights)

ျမန္မာနိုင္ငံ အမ်ိဳးသား လူ႔အခြင့္အေရး ေကာ္မရွင္ ဥပေဒကုိ ၂၀၁၄ ခုႏွစ္၊ ျပည္ေထာင္စုလႊတ္ေတာ္ ဥပေဒ အမွတ္ ၂၁ ျဖင့္ ျပဌာန္းခဲ့ပါသည္။

ျမန္မာနိုင္ငံ အမ်ိဳးသား လူ႔အခြင့္အေရး ေကာ္မရွင္ ဥပေဒ ပုဒ္မ ၂ (ဂ) ၌

လူ႔အခြင့္အေရးဆိုရာတြင္ ေအာက္ပါတို႔ပါဝင္သည္-

(၁)    ျပည္ေထာင္စုသမၼတ ျမန္မာနိုင္ငံေတာ္ ဖြဲ႕စည္းပုံအေျခခံဥပေဒပါ နိုင္ငံသားမ်ား၏ အခြင့္အေရးမ်ား၊

(၂)    ကုလသမဂၢက ထုတ္ျပန္ေၾကညာေသာ ကမၻာ့လူ႔အခြင့္အေရး  ေၾကညာစာတမ္းပါ လူ႔အခြင့္ အေရးမ်ား၊

(၃)    နိုင္ငံေတာ္ကလိုက္နာရန္ရွိေသာ အျပည္ျပည္ဆိုင္ရာ လူ႔အခြင့္အေရး စာခ်ဳပ္မ်ားတြင္ပါရွိသည့္ လူ႔အခြင့္အေရးမ်ား၊

လူ႔အခြင့္အေရး၏ ဝိေသသလကၡဏာမ်ား

လူ႔အခြင့္အေရးသည္ လူသားအားလုံးႏွင့္သက္ဆိုင္သည္။  ( Human rights are universal)

လူအခြင့္အေရးသည္ လူတိုင္းအတြက္ ေမြးရာပါ အခြင့္အေရး ျဖစ္သည္။    ( Human rights are inherent)

လူ႔အခြင့္အေရးကို ဖယ္ရွားႏႈတ္ပယ္၍မရပါ။ ( Human rights are inalienable)

လူ႔အခြင့္အေရးကို ခြဲျခမ္း၍မရပါ။  ( Human rights are indivisible)

လူ႔အခြင့္အေရးသည္ အျပန္အလွန္အမွီသဟဲျပဳေနၾကသည္။ (Human rights are interdependent and interrelated )

ကမၻာ့လူ႔အခြင့္အေရးေၾကညာစာတမ္း (အႏွစ္ခ်ဳပ္)

အပိုဒ္ (၁)     လူတိုင္း ေမြးကတည္းက တူညီေသာ ဂုဏ္သိကၡာႏွင့္ အခြင့္အေရးရွိသည္။ တစ္ဦးကို တစ္ဦးညီရင္းအစ္ကို စိတ္ဓာတ္က်င့္သုံးသင့္သည္။

အပိုဒ္ (၂)      လူတိုင္း လူမ်ိဳး၊ အသားအေရာင္၊ က်ား မ၊ ဘာသာစကား၊ ကိုးကြယ္သည့္ ဘာသာ၊ နိုင္ငံေရး၊ ပစၥည္းဂုဏ္၊ မ်ိဳးရိုးဂုဏ္စသည္တို႔ကို အေၾကာင္းျပဳ၍ ခြဲျခားမႈမ်ိဳး မျပဳလုပ္ရ။

အပိုဒ္ (၃)     လူတိုင္း အသက္ရွင္သန္ခြင့္၊ လြတ္လပ္ခြင့္ႏွင့္ လူပုဂၢိဳလ္ လုံျခဳံမႈရခြင့္ ရွိသည္။

အပိုဒ္ (၄)    မည္သူ႔ကိုမၽွ ေကၽြးကၽြန္အျဖစ္ သို႔မဟုတ္ အေစအပါးအျဖစ္ မျပဳရ။

အပိုဒ္ (၅)    မည္သူ႔ကိုမၽွ ညႇဥ္းပန္းႏွိပ္စက္ျခင္း၊ ရက္စက္စြာျပဳမႈ ဆက္ဆံျခင္း သို႔မဟုတ္ အျပစ္ဒဏ္ ေပးျခင္းမျပဳရ။

အပိုဒ္ (၆)    လူတိုင္း တရားဥပေဒေရွ႕ေမွာက္တြင္ လူသားဆန္ဆန္ ဆက္ဆံခံခြင့္ရွိသည္။

အပိုဒ္(၇)    လူတိုင္း ဥပေဒေရွ႕ေမွာက္တြင္ တန္းတူျဖစ္သည္။

အပိုဒ္(၈)    လူတိုင္း ဥပေဒအရ ခံစားခြင့္ရွိသည့္ မူလအခြင့္အေရးမ်ား ေဖာက္ဖ်က္ခံရလၽွင္ ဥပေဒ၏ အကူအညီ ရယူခြင့္ရွိသည္။

အပိုဒ္(၉)    မည္သူ႔ကိုမၽွ မတရားဖမ္းဆီးခ်ဳပ္ေႏွာင္ျခင္း တိုင္းျပည္မွ ႏွင္ထုတ္ျခင္းမျပဳရ။

အပိုဒ္(၁၀)    လြတ္လပ္၍ ဘက္လိုက္မႈမရွိေသာ တရား႐ုံးတစ္ရပ္က အမ်ားျပည္သူ ေရွ႕ေမွာက္တြင္ တရားမၽွတစြာ ၾကားနားစစ္ေဆးျခင္းကို အညီအမၽွ ရခြင့္ရွိသည္။

အပိုဒ္(၁၁)     ျပစ္မႈတစ္ရပ္ျဖင့္ စြပ္စြဲခံရေသာ လူတိုင္း အျပစ္ရွိသည္ဟု တရား႐ုံးက ထင္ရွားစီရင္မႈ မခံရ မခ်င္း အျပစ္မရွိသူဟု မွတ္ယူခံထိုက္သည္။

အပိုဒ္(၁၂)    လူတိုင္း မိမိ၏ ပုဂၢိဳလ္ေရးလြတ္လပ္ခြင့္ႏွင့္ ဂုဏ္သိကၡာအား ထိပါးပုတ္ခတ္လာပါက ဥပေဒအရ အကာအကြယ္ ရပိုင္ခြင့္ရွိသည္။

အပိုဒ္(၁၃)    လူတိုင္း မိမိတိုင္းျပည္အတြင္း လြတ္လပ္စြာ သြားလာေရႊ႕ေျပာင္းခြင့္ႏွင့္ ေနထိုင္ခြင့္ရွိသည္။

အပိုဒ္(၁၄)    လူတိုင္းသည္ မတရားႏွိပ္စက္မႈမွ လြတ္ကင္းရန္ အျခားနိုင္ငံမ်ား၌ ခိုလွုံခြင့္ ေတာင္းခံနိုင္သည္။

အပိုဒ္(၁၅)     လူတိုင္း နိုင္ငံတစ္နိုင္ငံ၏ နိုင္ငံသားအျဖစ္ ခံယူခြင့္ရွိသည္။

အပိုဒ္(၁၆)    အရြယ္ေရာက္ၿပီးေသာ သတို႔သားႏွင့္ သတို႔သမီး ႏွစ္ဦးဆႏၵႏွင့္အညီ ထိမ္းျမား လက္ထပ္နိုင္သည္။ အိမ္ရာထူေထာင္နိုင္သည္။

အပိုဒ္(၁၇)    လူတိုင္း ကိုယ္ပိုင္ပစၥည္းဥစၥာ ပိုင္ဆိုင္ခြင့္ရွိသည္။ မတရားသိမ္းယူျခင္း မခံထိုက္ေစရ။

အပိုဒ္(၁၈)    လူတိုင္း မိမိႏွစ္သက္ရာ ဘာသာတရားကို လြတ္လပ္စြာ ကိုးကြယ္ခြင့္ရွိသည္။ မိမိဆႏၵႏွင့္ အညီ အျခားဘာသာသို႔ ကူးေျပာင္းနိုင္သည္။

အပိုဒ္(၁၉)    လူတိုင္း လြတ္လပ္စြာ ထင္ျမင္ယူဆခြင့္၊ ထုတ္ေဖာ္ေျပာဆိုခြင့္ရွိသည္။ သတင္း အခ်က္အလက္ မ်ားကိုလည္း ရယူခြင့္၊ ျဖန႔္ခ်ိခြင့္ရွိသည္။

အပိုဒ္(၂၀)    လူတိုင္းၿငိမ္းခ်မ္းစြာ စုေဝးခြင့္၊ အသင္းအဖြဲ႕ ဖြဲ႕စည္းခြင့္ရွိသည္။

အပိုဒ္(၂၁)    လူတိုင္း တန္းတူညီမၽွ ဆႏၵမဲေပးပိုင္ခြင့္ရွိသည္။ အစိုးရအုပ္ခ်ဳပ္မႈ အာဏာသည္ ျပည္သူ ျပည္သားတို႔၏ ဆႏၵအေပၚ အေျခခံရမည္။

အပိုဒ္(၂၂)    လူတိုင္း လူမႈဘဝလုံျခဳံေရး ခံစားခြင့္ရွိသည္။

အပိုဒ္(၂၃)     လူတိုင္း အလုပ္လုပ္ခြင့္ရွိသည္။ အလုပ္လက္မဲ့ျဖစ္ျခင္းမွ အကာအကြယ္ ရပိုင္ခြင့္ရွိသည္။ အလုပ္သမားသမဂၢမ်ား၌ ပါဝင္ေဆာင္ရြက္ခြင့္ရွိသည္။

အပိုဒ္(၂၄)    အလုပ္လုပ္သူတိုင္း အလုပ္အားလပ္ရက္ႏွင့္ အနားယူခြင့္ရွိသည္။

အပိုဒ္(၂၅)    လူတိုင္း လုံေလာက္သည့္ လူေနမႈအဆင့္အတန္း ရပိုင္ခြင့္ရွိသည္။ ဘဝလုံျခဳံမႈ ရပိုင္ခြင့္ ရွိသည္။ လူမႈကာကြယ္ေစာင့္ေရွာက္မႈ ခံစားခြင့္ရွိသည္။

အပိုဒ္(၂၆)    လူတိုင္း ပညာသင္ယူခြင့္ရွိသည္။ အနည္းဆုံးမူလတန္းႏွင့္ အေျခခံပညာအဆင့္တို႔တြင္ အခမဲ့ ျဖစ္ရမည္။ မူလတန္းပညာသည္ မသင္မေနရ ျဖစ္ရမည္။

အပိုဒ္(၂၇)    လူတိုင္း လူ႔အဖြဲ႕အစည္း၏ ယဥ္ေက်းမႈဘဝ၌ လြတ္လပ္စြာ ပါဝင္ေဆာင္ရြက္ခြင့္ရွိသည္။ အႏုပညာႏွင့္ သိပၸံပညာတိုးတက္မႈ အက်ိဳးရလဒ္မ်ားကို မၽွေဝခံစားခြင့္ရွိသည္။

အပိုဒ္(၂၈)    လူတိုင္း ဤစာတမ္းပါ အခြင့္အေရးႏွင့္ လြတ္လပ္ခြင့္မ်ားကို အျပည့္အဝခံစားနိုင္ရန္ အေကာင္အထည္ေဖာ္သည့္ လုပ္ငန္းစဥ္မ်ားကို ခံစားခြင့္ရွိသည္။

အပိုဒ္(၂၉)    မိမိအခြင့္အေရးႏွင့္ လြတ္လပ္ခြင့္မ်ားကို က်င့္သုံးရာတြင္ အျခားသူမ်ား၏ အခြင့္ အေရးႏွင့္ လြတ္လပ္ခြင့္မ်ားကို အသိအမွတ္ျပဳ ေလးစားရမည္။

အပိုဒ္(၃၀)    ဤေၾကညာစာတမ္းပါ အခြင့္အေရးမ်ားႏွင့္ လြတ္လပ္ခြင့္မ်ားကို ပ်က္စီးရာပ်က္စီးေၾကာင္း မည္သူမၽွ မျပဳလုပ္ရ။



ျမန္မာနိုင္ငံ အမ်ိဳးသား လူ႔အခြင့္အေရး ေကာ္မရွင္ ဥပေဒ 

ပုဒ္မ ၂၈ တြင္ လူ႔အခြင့္အေရးေဖာက္ဖ်က္မႈမ်ား က်ယ္ျပန္႔စြာ ျဖစ္ပြားေနသည္ကိုလည္းေကာင္း၊ ေဖာက္ဖ်က္မႈသည္ စနစ္တစ္ရပ္အျဖစ္ ဦးတည္ေနသည္ကိုလည္းေကာင္း သိရွိပါက ေကာ္မရွင္သည္ ဦးေဆာင္ဦးရြက္ျပဳ၍ စံုစမ္းစစ္ေဆးျခင္းကို ေဆာင္ရြက္ႏိုင္သည္။

ပုဒ္မ ၂၉ တြင္ ေကာ္မရွင္သည္ စံုစမ္းစစ္ေဆးမႈတစ္ရပ္ျပဳလုပ္ရာတြင္ သဘာဝတရားမ်ွတမႈ သေဘာတရားႏွင့္အညီ လိုက္နာေဆာင္ရြက္ရမည္။ ထို႔ျပင္ တရားမက်င့္ထံုး၊ ရာဇဝတ္က်င့္ထံုးႏွင့္ သက္ေသခံအက္ဥပေဒတို႔ပါ သက္ဆိုင္သည့္ျပဌာန္းခ်က္မ်ားကို ဆီေလ်ာ္သလို က်င့္သံုးေဆာင္ရြက္ ႏိုင္သည္။

ပုဒ္မ ၃၀ တြင္ လူ႔အခြင့္အေရးေဖာက္ဖ်က္မႈရွိသည္ဟု စြပ္စြဲခ်က္ႏွင့္ စပ္လ်ဥ္း၍ ပုဂၢိဳလ္တစ္ဦးသည္ မိမိကိုယ္တိုင္အတြက္ေသာ္လည္းေကာင္း၊ အျခားသူတစ္ဦး တစ္ေယာက္အတြက္ေသာ္လည္းေကာင္း၊ တူညီေသာလူတစ္စုကို ကိုယ္စားျပဳ၍ ေသာ္လည္းေကာင္း၊ တိုင္တန္းလိုသည့္ အေၾကာင္းအရင္း ေဖာ္ျပၿပီး ေကာ္မရွင္သုိ႔ တုိင္ၾကားႏိုင္သည္။

ပုဒ္မ ၃၇ တြင္ ေကာ္မရွင္သည္ ေအာက္ပါအေၾကာင္းတစ္ရပ္ရပ္ႏွင့္ ၿငိစႊန္းေသာ တိုင္တန္းခ်က္ကို စံုစမ္း စစ္ေဆးျခင္း မျပဳလုပ္ရ-
(က)    တရားရံုး တစ္ခုခု၏ ေရွ႕ေမွာက္၌ စစ္ေဆး ၾကားနာဆဲအမႈမ်ားႏွင့္ တရားရံုးတစ္ခုခု၏ စီရင္ဆံုးျဖတ္ခ်က္အေပၚ အယူခံမႈ သို႔မဟုတ္ ျပင္ဆင္မႈ ဝင္ေရာက္ဆဲအမႈမ်ား၊
(ခ)    တရားရံုးတစ္ခုခုက အၿပီးသတ္စီရင္ဆံုးျဖတ္ၿပီးေသာအမႈမ်ား။

ပုဒ္မ ၃၈ တြင္ ေကာ္မရွင္သည္ အစိုးရဌာန၊ အစိုးရအဖြဲ႔အစည္းမ်ားႏွင့္ျဖစ္ေစ၊ ယင္းတို႔ႏွင့္ ဆက္ႏြယ္သည့္ အဖြဲ႔အစည္းမ်ားႏွင့္ျဖစ္ေစ သက္ဆိုင္ေသာ တိုင္တန္းခ်က္အေပၚ ၎တို႔ဆက္လက္ ေဆာင္ရြက္ႏိုင္ေရးအတြက္ မိမိ၏ စံုစမ္းေတြ႔ရွိခ်က္ကို အႀကံျပဳတိုက္တြန္းခ်က္ႏွင့္အတူ သက္ဆိုင္ရာ အစုိးရဌာန၊ အစိုးရ အဖြဲ႔အစည္းသို႔ ေပးပို႔ရမည္။ ယင္းဌာန၊ အဖြဲ႔အစည္းသည္ ေကာ္မရွင္၏ အႀကံျပဳတိုက္တြန္းခ်က္မ်ားႏွင့္ စပ္လ်ဥ္းသည့္အေရးယူ ေဆာင္ရြက္ထားရွိမႈ အေျခအနကို ရက္ေပါင္းသံုးဆယ္အတြင္း ေကာ္မရွင္သုိ႔ ျပန္ၾကားရမည္။ ထုိသို႔ ျပန္ၾကားရာတြင္ တိုင္တန္းသူမ်ား လက္တံု႔ျပန္မႈ မခံရေစေရးအတြက္ ေသခ်ာေစမည့္ ေဆာင္ရြက္ခ်က္ကိုလည္း ေဖာ္ျပရမည္။

ပုဒ္မ ၃၉ တြင္ စံုစမ္းစစ္ေဆးမႈတစ္ရပ္ၿပီးဆံုးသည့္အခါ ေကာ္မရွင္သည္ လိုအပ္ပါက မိမိ၏ စံုစမ္းေတြ႔ရွိခ်က္မ်ားႏွင့္ အႀကံျပဳခ်က္မ်ားကို ႏိုင္ငံေတာ္သမၼတႏွင့္ ျပည္ေထာင္စုလႊတ္ေတာ္သို႔ အစီရင္ခံတင္ျပၿပီး အမ်ားျပည္သူသိရွိႏိုင္ရန္လည္း ထုတ္ျပန္ႏိုင္သည္။

ပုဒ္မ ၄၀ တြင္ ေကာ္မရွင္သည္ တိုင္တန္းခ်က္ႏွင့္စပ္လ်ဥ္း၍ စံုစမ္းစစ္ေဆးမႈ ျပဳလုပ္ရာတြင္ ပုဂၢိဳလ္တစ္ဦးခ်င္း သို႔မဟုတ္ ပုဂၢိဳလ္မ်ား၏ လူ႔အခြင့္အေရးကို ေဖာက္ဖ်က္မႈရွိေၾကာင္း အေထာက္အထား ခိုင္လံုစြာ ေတြ႔ရွိပါက ပုဒ္မ ၃၈ ႏွင့္ ၃၉ တို႔အရ တင္ျပသည့္ အစီရင္ခံစာတြင္ ေအာက္ပါတို႔အတြက္ အႀကံျပဳတိုက္တြန္းခ်က္မ်ားကို ေဖာ္ျပရမည္-
(က) လူ႔အခြင့္အေရး ေဖာက္ဖ်က္မႈရွိေၾကာင္း အတည္ျပဳခ်က္ႏွင့္ ယင္းလူ႔အခြင့္အေရး ေဖာက္ဖ်က္မႈမ်ားဆက္လက္ မျဖစ္ေပၚေစေရးႏွင့္ အလားတူေဖာက္ဖ်က္မႈမ်ား ထပ္မံမျဖစ္ပြားေစေရး၊
(ခ) လူ႔အခြင့္အေရး ေဖာက္ဖ်က္မႈကို ကုစားရန္ ပုဂၢိဳလ္တစ္ဦးဦး သို႔မဟုတ္ အဖြဲ႔အစည္း တစ္ခုခုက သင့္ေလ်ာ္သလို ေဆာင္ရြက္ေပးေရး၊
(ဂ) လူ႔အခြင့္အေရး ေဖာက္ဖ်က္မႈေၾကာင့္ ထိခိုက္ဆံုးရံႈးနစ္နာမႈအတြက္ လူ႔အခြင့္အေရး ေဖာက္ဖ်က္ျခင္းခံရသူ ရသင့္ရထိုက္သည့္ နစ္နာေၾကးရရွိႏိုင္ေရး၊
(ဃ) သက္ဆိုင္ရာဌာန၊ အဖြဲ႔အစည္း၊ လုပ္ငန္း၊ ပုဂၢိဳလ္ သို႔မဟုတ္ အာဏာပိုင္အဖြဲ႔အစည္းက အေရးယူေဆာင္ရြက္ေရးႏွင့္ ယင္းအႀကံျပဳ တုိက္တြန္းခ်က္မ်ားအေပၚ ၎တို႔၏ အေရးယူေဆာင္ရြက္ခ်က္မ်ားကို ေကာ္မရွင္သုိ႔ သင့္ေလ်ာ္ေသာအခ်ိန္ကာလအတြင္း ျပန္ၾကားေရး။
တို႔ျဖစ္ပါသည္။

ကိုးကားခ်က္မ်ား
၁။ ျမန္မာနိုင္ငံ အမ်ိဳးသား လူ႔အခြင့္အေရး ေကာ္မရွင္ ဥပေဒ
၂။ ျမန္မာနိုင္ငံ အမ်ိဳးသား လူ႔အခြင့္အေရး ေကာ္မရွင္၏ လက္ကမ္းစာေစာင္မ်ား

အင္ကိုတမ္း ( Incoterms )

အင္ကိုတမ္း ( Incoterms )



အင္ကိုတမ္း ( Incoterms ) ဆိုသည္မွာ နိုင္ငံတကာ ကုန္စည္ ကူသန္းေရာင္းဝယ္မႈ အသံုးအႏႈန္းမ်ား၊ စည္းမ်ဥ္းစည္းကမ္းမ်ား ( International Commercial terms ) ၏ အတိုေကာက္ျဖစ္ပါသည္။ ၎အသံုးအႏႈန္းမ်ားသည္ ကမာၻတစ္ဝွမ္းလံုးတြင္အသံုးျပဳေနေသာ ကုန္ေရာင္းစာခ်ဳပ္မ်ားႏွင့္ ဆက္စပ္ေနပါသည္။


အင္ကိုတမ္းမ်ားကို အျပည္ျပည္ဆိုင္ရာကုန္သည္ႀကီးမ်ားအသင္းမွ ထုတ္ေဝခဲ့ပါသည္။ ၁၉၂၃ ခုနွစ္တြင္ အျပည္ျပည္ဆိုင္ရာ ကူသန္းေရာင္းဝယ္မႈ အသံုးအႏႈန္းမ်ား၊ စည္းမ်ဥ္းစည္းကမ္းမ်ားအား အျပည္ျပည္ဆိုင္ရာ ကုန္သည္ႀကီးမ်ားအသင္းမွ ထုတ္ေဝခဲ့ၿပီး ပထမအႀကိမ္အျဖစ္ အင္ကိုတမ္းဟုေခၚဆိုက  ၁၉၃၆ ခုႏွစ္တြင္ ပံုႏွိပ္ထုတ္ေဝခဲ့ပါသည္။ ထုတ္ေဝခဲ့သည့္ အင္ကိုတမ္းမ်ားကို ၁၉၅၃ ခုႏွစ္၊ ၁၉၆၇ ခုႏွစ္၊ ၁၉၇၆ ခုႏွစ္၊ ၁၉၈၀ ခုႏွစ္၊ ၁၉၉၀ ခုႏွစ္၊ ၂၀၀၀ ခုႏွစ္တို႔တြင္ အသီးသီးျပင္ဆင္ခဲ့ၿပီး ၂၀၁၀ ခုႏွစ္တြင္ ရွစ္ႀကိမ္ေျမာက္ အျဖစ္ျပင္ဆင္ထုင္ေဝခဲ့ၿပီးေနာက္ ယခုအခ်ိန္အထိ က်င့္သံုးလ်က္ရွ္ိပါသည္။


ကုန္ေသတၱာမ်ားသည္ ခရီးဆံုးမေရာက္မီ ရက္ပိုင္းမ်ားစြာသြားလာၾကရသျဖင့္ ၎ေနရက္မ်ားတြင္ လံုၿခံဳေဘးကင္းရန္လိုအပ္ပါသည္။ ထို႔ေၾကာင့္ ကုန္ေရာင္းသူမ်ားႏွင့္ ကုန္ဝယ္သူမ်ားသည္ ကုန္ပစၥည္းမ်ားကို ပို႔ေဆာင္ရာတြင္ ေရာင္းသူ၏ တာဝန္ႏွင့္ ဝယ္သူတို႔၏ တာဝန္တို႔ကို ႀကိဳတင္ သတ္မွတ္ထားရန္ လိုအပ္ပါသည္။ အင္္ကိုတမ္းမ်ားသည္ ကုန္ပစၥည္းမ်ားကို ျဖန္႔ျဖဴးရာတြင္ ေပၚေပါက္လာႏိုင္ေသာ ေရာင္းသူနွင့္ဝယ္ယူတို႔၏ တာဝန္ယူမႈႏွင့္ တာဝန္ရွိမႈတို႔အား ေဖာ္ျပထားျခင္း ျဖစ္ပါသည္။


အဆိုပါတာဝန္ယူမႈႏွင့္ တာဝန္ရွိမႈတို႔မွာ


၁။ ကုန္ပစၥည္းလႊဲအပ္သည့္ေနရာ


          အင္ကိုတမ္းသည္ ကုန္ေရာင္းသူႏွင့္ ကုန္ဝယ္သူတို႔၏ ကုန္ပစၥည္းလႊဲအပ္သည့္ေနရာတုိ႔တြင္ ကုန္ပစၥည္းမ်ား ေပ်ာက္ဆံုး၊ ပ်က္စီးမႈအႏၲရယ္ႏွင့္ တာဝန္ရွိမႈတို႔ကိုေဖာ္ျပထားပါသည္။


၂။ သယ္ယူပို႔ေဆာင္စရိတ္


          အင္ကိုတမ္းတြင္ မည့္သည့္ဘက္မွ သယ္ယူပို႔ေဆာင္စရိတ္အား က်ခံရမည့္ကို ေဖာ္ျပထားပါသည္။


၃။ ပို႔ကုန္၊ သြင္းကုန္လုပ္ငန္းမ်ား


          အင္ကိုတမ္းတြင္ ပို႔ကုန္၊ သြင္းကုန္လုပ္ငန္းမ်ားကို မည့္သည့္ဘက္က ေဆာင္ရြက္ရမည္ကို ေဖာ္ျပထားပါသည္။


၄။ အာမခံစရိတ္


          အာမခံစရိတ္အား မည့္သည့္ဘက္က က်ခံရမည္ကို ေဖာ္ျပထားပါသည္။




EXW, FCA, FAS, FOB, CFR, CIF, CPT, CIP, DAT, DAP ႏွင့္ DDP တို႔သည္ အင္ကိုတမ္း ၂၀၁၀ ပါ အတိုေကာက္ အေခၚအေဝၚမ်ား ျဖစ္ပါသည္။





EXW – Ex Works (named place of delivery)

 

Ex Works သည္ ကုန္ေရာင္းသူအတြက္ တာဝန္ရွိမႈ အနည္းဆံုး အင္ကုိတမ္းျဖစ္ၿပီး ကုန္ဝယ္သူအတြက္ တာဝန္ရွိမႈ အမ်ားဆံုးျဖစ္ပါသည္။ ကုန္ဝယ္သူသည္ ကုန္ပစၥည္းကို ကုန္ေရာင္းသူ၏ လုပ္ငန္းဌာနဝန္းက်င္ စက္ရံု၊ သိုေလွာင္ရံုတို႔မွ လႊဲေျပာင္းရယူရသည့္အတြက္ျဖစ္ပါသည္။ ကုန္ဝယ္သူသည္ သယ္ယူပို႔ေဆာင္မႈ အားလံုးကို တာဝန္ယူစီမံရၿပီး အာမခံေၾကးကိုလည္း ေပးရပါသည္။




FCA – Free Carrier (named place of delivery)



 ကုန္ေရာင္းသူသည္ ကုန္ပစၥည္းမ်ားကို သတ္မွတ္ထားသည့္ ေနရာ၌ ကုန္ဝယ္သူက ေစလႊတ္သည့္ ကုန္သယ္ယာဥ္သို႔လြဲေပးရန္ျဖစ္ပါသည္။ သေဘာတူထားသည့္ေနရာသည္ ေရာင္းသူ၏ အေဆာက္အအံု ဥပစာအတြင္းဆိုလွ်င္ ကုန္တင္ယာဥ္ေပၚသို႔ကုန္ပစၥည္းတင္ခကို ေရာင္းသူမွ တာဝန္ယူရမည္ျဖစ္ၿပီး ျပင္ပတြင္ျဖစ္ပါက ကုန္တင္ခကို ဝယ္သူက က်ခံရမည္ျဖစ္ပါသည္။




FAS – Free Alongside Ship (named port of shipment)


ကုန္ပစၥည္းမ်ားကို သတ္မွတ္ထားသည့္ ကုန္တင္ဆိပ္ကမ္းရွိ ကုန္တင္သေဘာၤေဘးအေရာက္ ပို႔ေဆာင္ၿပီးသည့္ အခ်ိန္မွစ၍ ကုန္ေရာင္းသူ၏ ကုန္ပစၥည္း လႊဲအပ္မႈတာဝန္ၿပီးဆံုးပါသည္။ ထုိသို႔ေဘးခ်င္းယွဥ္ထားသည့္ေနရာမွ သေဘာၤေပၚသို႔ တင္ရာတြင္ ကုန္က်ေသာ စရိတ္စကကိုလည္းေကာင္း၊ အာမခံေၾကးကိုလည္းေကာင္း၊ သေဘာၤသယ္ဆာင္ခ ကိုလည္းေကာင္း ကုန္ဝယ္သူက ေပးေခ်ရမည္ျဖစ္ပါသည္။ ပင္လယ္ေရေၾကာင္း သို႔မဟုတ္ ျပည္တြင္းေရေၾကာင္းျဖင့္ ပို႔ေဆာင္ျခင္းအတြက္သာ အသံုးျပဳရန္ျဖစ္ပါသည္။




FOB – Free on Board (named port of shipment)



ကုန္ေရာင္းသူသည္ ကုန္ဝယ္သူက သတ္မွတ္ထားသည့္ သေဘာၤေပၚသို႔ ကုန္ပစၥည္းမ်ားကုိ တင္ေဆာင္ေပးရျခင္းျဖစ္ပါသည္။ ကုန္ပစၥည္းမ်ား သေဘာၤေပၚသို႔ ေရာက္ၿပီးလွ်င္ ပစၥည္းေပ်ာက္ဆံုး သို႔မဟုတ္ ပ်က္စီးျခင္းတို႔တြင္ ေရာင္းသူတြင္ တာဝန္မရွိေတာ့ဘဲ ဝယ္ယူသူသည္ ကုန္က်စရိတ္ အားလံုးကို က်ခံရမည္ျဖစ္ပါသည္။




CFR – Cost and Freight (named port of destination)




ကုန္ေရာင္းသူသည္ တင္ပို႔ရမည့္ ပစၥည္းမ်ားကို သဘာၤႀကီးေပၚအေရာက္တင္ပို႔ေပးၿပီး သေဘာၤခကုန္က်စရိတ္ကိုပါ တာဝန္ယူရမည္ျဖစ္ပါသည္။ သို႔ေသာ္ ကုန္ပစၥည္းမ်ား ေပ်ာက္ဆံုး၊ ပ်က္စီးမႈအႏၲရယ္ကို ဝယ္ယူသူက တာဝန္ယူရမည္ျဖစ္ပါသည္။




CIF – Cost, Insurance & Freight (named port of destination)



ကုန္ေရာင္းသူသည္ တင္ပို႔ရမည့္ ပစၥည္းမ်ားကို သဘာၤႀကီးေပၚအေရာက္တင္ပို႔ေပးၿပီး သေဘာၤခ ကုန္က်စရိတ္အပါအဝင္ ကုန္ပစၥည္းမ်ားအတြက္ အာမခံစရိတ္ကိုပါ တာဝန္ယူရမည္ျဖစ္ပါသည္။




DAP – Delivered At Place (named place of destination)



ကုန္ေရာင္းသူသည္ ကုန္ပစၥည္းမ်ားကို ပန္းတိုင္ကုန္ခ်ေနရာတြင္ ကုန္ဝယ္သူအတြက္ ကုန္ခ်ယူႏိုင္ေအာင္ အသင့္ထားေပးရန္ျဖစ္ၿပီး ထိုေနရာတြင္ အသင့္ထားရွိၿပီးသည္အထိ ကုန္က်စရိတ္ႏွင့္ ကုန္ပစၥည္း ေပ်ာက္ဆံုးမႈကို က်ခံတာဝန္ယူရန္ျဖစ္ပါသည္။ ကုန္ဝယ္သူသည္  သြင္းကုန္အတြက္ က်သည့္စရိတ္မ်ားႏွင့္ ကုန္ပစၥည္းခ်ခမ်ားကို တာဝန္ယူရမည္ျဖစ္ပါသည္။




DAT – Delivered At Terminal (named terminal at port or place of destination)




ေရာင္းသူႏွင့္ဝယ္ယူတုိ႔ သေဘာတူထားသည့္ ပန္းတိုင္ကုန္ခ်ဆိပ္ကမ္း၊ ကုန္ခ်စခန္းေနရာထိ ေရာင္းသူက ကုန္ပစၥည္း ေပ်ာက္ဆံုးမႈႏွင့္ ပ်က္စီးမႈအတြက္ တာဝန္ယူရမည္ျဖစ္ပါသည္။ ကုန္ပစၥည္းခ်ၿပီးေနာက္ ကုန္ဝယ္သူသည္ သြင္းကုန္ဆိုင္ရာ အေကာက္ခြန္လုပ္ငန္းမ်ားႏွင့္ သယ္ေဆာင္ခမ်ားကို တာဝန္ယူရမည္ျဖစ္ပါသည္။



DDP – Delivered Duty Paid (named place of destination)



ကုန္ေရာင္းသူအေနျဖင့္ ကုန္ပစၥည္းအတြက္ တာဝန္ယူရမႈအမ်ားဆံုးျဖစ္ပါသည္။ ကုန္ေရာင္းသူသည္ ကုန္ဝယ္သူႏွင့္သေဘာတူထားသည့္ ကုန္ဝယ္သူ၏ ကုန္ေလွာင္ရံု သို႔မဟုတ္ ကုန္ဝယ္သူ သတ္မွတ္သည့္ေနရာသို႔ ပို႔ေဆာင္ေပးရန္ျဖစ္ပါသည္။ ေရာင္းသူသည္ ပို႔ကုန္ ရွင္းလင္းေရး အတြက္သာမက သြင္းကုန္ ရွင္းလင္းေရးအတြက္ပါတာဝန္ရွိပါသည္။



Incoterms မ်ားျဖစ္ေသာ EXW, FCA, CPT, CIP, DAT, DAP နွင့္ DDP တုိ႔အား မည္သည့္ သယ္ယူပို႔ေဆာင္မႈ နည္းလမ္းတြင္မဆိုအသံုးျပဳၿပီး FAS, FOB, CFR နွင့္ CIF တို႔အား ပင္လယ္ေရေၾကာင္း သို႔မဟုတ္ ျပည္တြင္းေရေၾကာင္းျဖင့္ ပို႔ေဆာင္ျခင္းအတြက္သာ အသံုးျပဳနိုင္ပါသည္။

ကိုးကားခ်က္မ်ား


၁။ အင္ကိုတမ္း ၂၀၁၀၊ သိန္းလြင္ (ျပည္ပပို႔ကုန္)
၂။ ျပည္ပပို႔ကုန္ သြင္းကုန္စာခ်ဳပ္မ်ား၊ သိန္းလြင္ (ျပည္ပပို႔ကုန္)
၃။ Capt Rajeev Jassal (https://www.myseatime.com)
၄။ https://en.wikipedia.org/wiki/Incoterms